اسلام آباد ہائیکورٹ: اسلامی نظریاتی کونسل کے رائے دہی اختیارات پر فیصلہ محفوظ
Web Desk
27 April 2026
اسلام آباد ہائیکورٹ نے اسلامی نظریاتی کونسل (CII) کے ازخود رائے دینے کے اختیار سے متعلق کیس کی سماعت مکمل کرنے کے بعد فیصلہ محفوظ کر لیا ہے۔ جسٹس محسن اختر کیانی نے ریمارکس دیے کہ عدالت صرف کونسل کے قانونی دائرہ اختیار کا جائزہ لے رہی ہے۔دورانِ سماعت جسٹس محسن اختر کیانی نے کونسل کے اختیارات پر اہم سوالات اٹھائےقانونی دائرہ کار: عدالت نے سوال کیا کہ کیا صدر، گورنرز، پارلیمنٹ یا صوبائی اسمبلیوں کی درخواست کے علاوہ کونسل خود سے رائے دینے کا اختیار رکھتی ہے؟عدالت نے ریمارکس دیے کہ کونسل این سی سی آئی اے (NCCIA) جیسے اداروں کو رائے نہیں دے سکتی اور نہ ہی قانون میں ایسی کوئی گنجائش موجود ہے۔
جسٹس کیانی نے کہا کہ اگر اسی طرح رہا تو کل کونسل یہ رائے بھی دے دے گی کہ توہینِ رسالت کے کیسز درج کرنے سے پہلے ان سے مشورہ کیا جائے۔ایڈیشنل اٹارنی جنرل نے مؤقف اپنایا کہ کونسل قانون سازی سے قبل رائے دے سکتی ہے تاکہ کوئی بھی قانون قرآن و سنت کے منافی نہ ہو۔ انہوں نے انجینئر محمد علی مرزا کے کیس کا حوالہ دیتے ہوئے کہا کہ اس معاملے پر کوئی بھی رائے فریقین کے حقوق متاثر کر سکتی ہے، جس پر عدالت نے واضح کیا کہ وہ زیرِ سماعت کیس پر نہیں بلکہ صرف کونسل کے عمومی اختیارات پر غور کر رہی ہے۔سماعت کے دوران جب درخواست گزار ڈاکٹر اسلم خاکی نے فیصلے کے وقت کے بارے میں پوچھا تو جسٹس کیانی نے مسکراتے ہوئے کہا، “فیصلہ آج ہی ہو جائے گا، ویسے بھی ہمارے پاس 24 گھنٹے رہ گئے ہیں۔” انہوں نے طنزیہ انداز میں یہ بھی کہا کہ حکومت چاہے تو 28 ویں ترمیم میں کونسل کے اختیارات واضح کر لے۔
فریقین کے دلائل مکمل ہونے پر عدالت نے فیصلہ محفوظ کر لیا ہے، جو ممکنہ طور پر جلد سنایا جائے گا۔ یہ فیصلہ مستقبل میں اسلامی نظریاتی کونسل کے آئینی کردار اور اس کی سفارشات کی قانونی حیثیت کے تعین میں انتہائی اہم ثابت ہوگا۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026
مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس
19 November 2026