مریم نواز کی کاوشیں، پنجاب 10 لاکھ مویشی برآمد کرے گا
Web Desk
25 April 2026
وزیراعلیٰ مریم نواز شریف کی زیرِ صدارت منعقدہ خصوصی اجلاس میں پنجاب کے لائیوسٹاک سیکٹر کو عالمی معیار کے مطابق ڈھالنے اور گوشت کی برآمدات (Meat Export) بڑھانے کے لیے اہم فیصلوں کی منظوری دی گئی ہے۔ صوبائی وزیر لائیوسٹاک عاشق حسین کرمانی نے بریفنگ دیتے ہوئے بتایا کہ پنجاب اب 10 لاکھ جانور ایکسپورٹ کرے گا، جس کے لیے چینی کمپنیوں سمیت 7 اداروں کے ساتھ مفاہمتی یادداشتوں پر دستخط کر دیے گئے ہیں۔
منصوبے کے تحت چین کی گلوبل میٹ کمپنی ‘پامکو’ کے اشتراک سے بوائلر یونٹ نصب کرے گی تاکہ بڑے پیمانے پر ‘بوائلڈ میٹ’ ایکسپورٹ کیا جا سکے۔ اس کے علاوہ 3 لاکھ بھینسوں اور گایوں، 3 لاکھ مینڈھوں اور ایک لاکھ بکروں کی خصوصی پرورش (Fattening) کا ہدف مقرر کیا گیا ہے۔ لائیوسٹاک سیکٹر میں پہلی بار میکانائزیشن متعارف کرواتے ہوئے حکومت نے جدید مشینری، جیسے ملک چلر اور فیڈ مکسر پر 60 فیصد سبسڈی دینے کا فیصلہ کیا ہے۔
وزیراعلیٰ مریم نواز نے دیہی خواتین کی معاشی خودمختاری کے لیے مفت مویشیوں کا کوٹہ ڈبل کرنے کی ہدایت کی ہے۔ جنوبی پنجاب کے 12 اضلاع میں بیوہ اور مطلقہ خواتین کو پہلے ہی 9255 مویشی فراہم کیے جا چکے ہیں۔ اجلاس میں بتایا گیا کہ صوبے بھر میں 20 لاکھ جانوروں کی ٹیگنگ کی جائے گی اور ہر تحصیل میں سٹیٹ آف دی آرٹ ویٹرنری ہسپتال اور 4 موبائل ڈسپنسریاں قائم کی جائیں گی تاکہ مویشیوں کو گھر بیٹھے علاج کی سہولت میسر آ سکے۔ وزیراعلیٰ کا کہنا تھا کہ لائیوسٹاک فارمز معاشی خود انحصاری کا اہم ذریعہ ہیں اور ماضی میں اس شعبے کو نظر انداز کرنا افسوسناک تھا۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
سات شرائط پوری ہونے تک آبنائے ہرمز نہیں کھلے گی، پاسداران انقلاب
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026