پہلگام فالس فلیگ: بھارت ایک سال بعد بھی آئی ایس پی آر کے سوالات کا جواب نہیں دے سکا
Web Desk
23 April 2026
ڈائریکٹر جنرل آئی ایس پی آر لیفٹیننٹ جنرل احمد شریف چودھری کی جانب سے پہلگام فالس فلیگ آپریشن پر اٹھائے گئے کلیدی سوالات کا بھارت ایک سال گزرنے کے باوجود کوئی جواب دینے میں ناکام رہا ہے۔ 30 اپریل 2025 کو ایک خصوصی بریفنگ کے دوران ڈی جی آئی ایس پی آر نے اس مبینہ حملے کے حقائق پر روشنی ڈالتے ہوئے بھارتی بیانیے کو ٹھوس شواہد کے ساتھ مسترد کر دیا تھا۔
ترجمان پاک فوج نے نشاندہی کی تھی کہ جائے وقوعہ کسی بھی پاکستانی قصبے سے 200 کلومیٹر سے زائد فاصلے پر واقع ہے اور دشوار گزار راستوں کے باعث سرحد پار سے دراندازی کا دعویٰ جغرافیائی طور پر ناممکن نظر آتا ہے۔ بریفنگ میں اس بات پر حیرت کا اظہار کیا گیا تھا کہ ایف آئی آر کے مطابق پولیس صرف 10 منٹ میں جائے وقوعہ پر پہنچی اور کارروائی مکمل کر کے واپس بھی آگئی، جبکہ عام حالات میں وہاں پہنچنے میں کم از کم آدھا گھنٹہ درکار ہوتا ہے، جو کہ پہلے سے تیار شدہ منصوبے کی طرف اشارہ کرتا ہے۔
ڈی جی آئی ایس پی آر نے یہ سوال بھی اٹھایا تھا کہ بھارتی انٹیلی جنس کو واقعے کی پیشگی اطلاع تو نہیں تھی، لیکن حملے کے محض پانچ منٹ بعد ہی مخصوص سوشل میڈیا ہینڈلز اور ایجنسیوں نے ملبہ پاکستان پر ڈالنا شروع کر دیا۔ انہوں نے واضح کیا کہ دہشت گردی کا کوئی مذہب نہیں ہوتا اور بھارت کی جانب سے اس واقعے کو فرقہ وارانہ رنگ دینا اور مسلمانوں کو نشانہ بنانا محض ایک مخصوص بیانیہ بنانے کی کوشش تھی۔ ان کا کہنا تھا کہ پہلگام کا واقعہ دراصل بھارتی سیکیورٹی اداروں کی اپنی ناکامی تھی جسے چھپانے کے لیے پاکستان پر بلا جواز الزامات عائد کیے گئے۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
سات شرائط پوری ہونے تک آبنائے ہرمز نہیں کھلے گی، پاسداران انقلاب
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026