حکومت اور آئی ایم ایف میں نئی آٹو پالیسی پر اتفاق، ڈیوٹیز میں کمی کا فیصلہ

حکومتِ پاکستان اور آئی ایم ایف (IMF) کے درمیان نئی آٹو سیکٹر پالیسی کے اہم نکات پر اتفاق رائے ہو گیا ہے، جسے رواں ماہ حتمی شکل دے کر منظوری کے لیے بین الاقوامی مالیاتی ادارے کو بھجوایا جائے گا۔ اس نئی پالیسی کا بنیادی مقصد پاکستان کے آٹو سیکٹر میں ٹیرف کو کم کرنا، درآمدی نظام میں شفافیت لانا اور مقامی مارکیٹ میں مسابقت کو فروغ دینا ہے۔

دستاویزات کے مطابق، آئندہ چار سالوں کے دوران گاڑیوں پر عائد ایڈیشنل کسٹمز ڈیوٹی اور ریگولیٹری ڈیوٹیز کو مرحلہ وار مکمل طور پر ختم کر دیا جائے گا۔ وزارتِ صنعت و پیداوار کے ذرائع کا کہنا ہے کہ کسٹمز ڈیوٹی کی شرحوں میں 2030 تک بتدریج کمی کی جائے گی، جبکہ مالی سال 2027 کے بعد سات سال پرانی گاڑیوں کی درآمد کی اجازت دینے کا بھی فیصلہ کیا گیا ہے۔