زمین کے قدرتی وسائل انسانی زندگی کی بقا کیلئے ناگزیر ہیں: وزیراعظم

وزیراعظم محمد شہباز شریف نے عالمی یومِ ارض (Earth Day) کے موقع پر اپنے خصوصی پیغام میں کرہ ارض کے قدرتی وسائل کے تحفظ کو انسانی بقا کے لیے ناگزیر قرار دیا ہے۔ وزیراعظم نے واضح کیا کہ پاکستان اس عالمی دن کو ایک ایسے وقت میں منا رہا ہے جب ملک کو موسمیاتی تبدیلیوں کے سنگین چیلنجز کا سامنا ہے۔ انہوں نے ماحولیاتی تحفظ کے لیے بین الاقوامی تعاون اور قابلِ تجدید توانائی کے فروغ پر زور دیتے ہوئے اسے اجتماعی ذمہ داری قرار دیا۔