امریکی نائب صدر جے ڈی وینس کا دورہ پاکستان منسوخ، وائٹ ہاؤس نے تصدیق کردی

وائٹ ہاؤس نے تصدیق کی ہے کہ امریکی نائب صدر جے ڈی وینس آج مذاکرات کے لیے پاکستان کا دورہ نہیں کریں گے، جس سے سفارتی سرگرمیوں میں وقتی تعطل پیدا ہو گیا ہے۔

اس سے قبل امریکی میڈیا نے رپورٹ کیا تھا کہ ایران کی جانب سے مذاکراتی عمل پر جواب نہ آنے کے باعث دورۂ پاکستان مؤخر کیا گیا تھا۔

امریکی حکام کے مطابق نائب صدر کا دورہ حالات کے مطابق کسی بھی وقت دوبارہ شیڈول کیا جا سکتا ہے، تاہم حتمی تاریخ کا اعلان نہیں کیا گیا۔

دوسری جانب ایران نے بھی واضح کیا ہے کہ امریکا کے ساتھ مذاکرات میں شرکت کے حوالے سے تاحال کوئی فیصلہ نہیں کیا گیا۔

ایرانی وزارت خارجہ کے ترجمان اسماعیل بقائی نے کہا کہ جب مذاکرات نتیجہ خیز صورت اختیار کریں گے تو ایران اپنی شرکت سے متعلق فیصلہ کرے گا۔