جنگ بندی میں توسیع پر صدر ٹرمپ کا شکریہ، پاکستان کا سفارتی عمل جاری رکھنے کا اعلان

وزیرِ اعظم شہباز شریف نے جنگ بندی میں توسیع کی منظوری پر امریکی صدر ڈونلڈ ٹرمپ کا شکریہ ادا کرتے ہوئے کہا ہے کہ یہ فیصلہ جاری سفارتی کوششوں کو آگے بڑھانے میں مددگار ثابت ہوگا۔

اپنے بیان میں انہوں نے کہا کہ اپنی جانب سے اور عاصم منیر کی طرف سے صدر ٹرمپ کے اس اقدام پر تہہ دل سے اظہارِ تشکر کرتے ہیں، جنہوں نے پاکستان کی درخواست پر مثبت پیش رفت کی۔

وزیرِ اعظم نے کہا کہ پاکستان پر کیے گئے اعتماد کو مدنظر رکھتے ہوئے تنازع کے پُرامن اور مذاکراتی حل کے لیے سنجیدہ کوششیں جاری رکھی جائیں گی۔

انہوں نے امید ظاہر کی کہ تمام فریق جنگ بندی کی پاسداری کریں گے اور اسلام آباد میں متوقع دوسرے دورِ مذاکرات کے دوران ایک جامع امن معاہدے تک پہنچنے میں کامیاب ہوں گے۔

ان کا کہنا تھا کہ یہ معاہدہ نہ صرف موجودہ کشیدگی کے خاتمے بلکہ خطے میں دیرپا امن کے قیام کی راہ بھی ہموار کرے گا۔