حج فلائٹ آپریشن میں تیزی، مزید 3510 عازمین آج سعودی عرب روانہ ہوں گے

حج 2026 کے لیے پاکستان سے فضائی آپریشن پوری تندہی سے جاری ہے، جس کے تحت سرکاری اسکیم کے ہزاروں عازمین اب تک سرزمینِ حجاز پہنچ چکے ہیں۔ وزارتِ مذہبی امور کے مطابق، منگل (آج) کے روز ملک کے مختلف شہروں سے مزید 13 پروازیں روانہ کی جا رہی ہیں تاکہ عازمین کو مقررہ وقت کے اندر مدینہ منورہ پہنچایا جا سکے۔ اس بڑے آپریشن کو کامیاب بنانے کے لیے پی آئی اے کے ساتھ ساتھ نجی ایئر لائنز بھی بھرپور حصہ لے رہی ہیں۔

عازمین کی سہولت کے لیے ایئرپورٹس اور حاجی کیمپوں میں ویکسینیشن اور سفری دستاویزات کی فراہمی کا عمل چوبیس گھنٹے جاری ہے، جبکہ سعودی عرب میں بھی پاکستانی عملہ عازمینِ حج کے استقبال اور رہنمائی کے لیے مستعد ہے۔