وزیراعظم شہبازشریف کی زیرصدارت اجلاس، مذاکرات یقینی بنانے کاعزم

وزیراعظم شہبازشریف کی زیرصدارت اعلیٰ سطح کا مشاورتی اجلاس  ہوا جس میں ایران کی جانب سے امریکا سےمذاکرات میں شرکت سے انکار کے بعد پیداشدہ صورتحال پر غورکیاگیا۔

ذرائع کے مطابق وزیراعظم نے ایران امریکا مذاکرات کا انعقادیقینی بنانے کے عزم کا اعادہ کیا۔ اجلاس میں ایران کی مذاکرات میں شرکت یقینی بنانے کے لیے روابط جاری رکھنے پراتفاق کیاگیا۔

اجلاس میں نائب وزیراعظم اسحاق ڈار اور وزیر داخلہ محسن نقوی سمیت اعلی حکام نے شرکت کی۔ وزیر داخلہ نے امریکی اور ایرانی سفیروں سے اپنی ملاقاتوں پر وزیراعظم کو اعتماد میں لیا۔