پنجاب میں شرمپ فارمنگ کے انقلابی منصوبوں پر پیشرفت، بنجر زمینیں معاشی زونز میں تبدیل
Web Desk
20 April 2026
وزیراعلیٰ پنجاب مریم نواز شریف نے صوبے کی بنجر زمینوں کو زرخیز اور معاشی طور پر مستحکم بنانے کے لیے ایک انقلابی منصوبے کا آغاز کر دیا ہے، جس کے تحت سرکاری سرپرستی میں جھینگوں کی افزائش (شرمپ فارمنگ) کے جدید مراکز تیزی سے تکمیل کی جانب گامزن ہیں۔ سرگودھا شرمپ سٹیٹ میں 500 ایکڑ پر محیط منصوبے میں 126 میں سے 118 تالابوں کی کھدائی اور 116 ٹیوب ویلز کی بورنگ مکمل کر لی گئی ہے، جبکہ ویئر ہاؤس اور پانی کی فراہمی کا نظام بھی آخری مراحل میں ہے۔ اسی طرح علی والا شرمپ سٹیٹ میں 1267 ایکڑ رقبے پر کام تیزی سے جاری ہے جہاں 642 تالاب تیار ہو چکے ہیں اور انتظامی دفاتر، ہاسٹلز اور لیبر رہائش گاہوں کا بنیادی ڈھانچہ مکمل کر لیا گیا ہے۔ شاہ گڑھ شرمپ فارم میں بھی سڑکوں اور بجلی کی فراہمی کا کام تقریباً مکمل ہو چکا ہے، جس سے اس منصوبے کے جلد فعال ہونے کی راہ ہموار ہو گئی ہے۔
پنجاب میں اپنی نوعیت کے اس پہلے سائنسی منصوبے میں ماہرین نے پانی کے درجہ حرارت کو جھینگوں کی افزائش کے لیے انتہائی موزوں قرار دیا ہے، جہاں جدید سپلیمنٹس اور متوازن خوراک کے استعمال سے پیداوار کے معیار میں نمایاں بہتری دیکھی جا رہی ہے۔ وزیراعلیٰ مریم نواز شریف نے ٹیم کی کارکردگی کو سراہتے ہوئے کہا ہے کہ عالمی معیار کی یہ شرمپ فارمنگ پنجاب کو ایکوا کلچر کا عالمی مرکز بنائے گی، جس سے نہ صرف بنجر اراضی آباد ہوگی بلکہ مقامی سطح پر روزگار کے ہزاروں مواقع پیدا ہونے کے ساتھ ساتھ ملکی برآمدات میں بھی خاطر خواہ اضافہ ہوگا۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026
مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس
19 November 2026