لاہور: ٹرین شیڈول متاثر، متعدد گاڑیاں گھنٹوں تاخیر کا شکار

لاہور ریلوے انتظامیہ کی جانب سے ٹرینوں کی بروقت آمد و رفت کے دعوے دھرے کے دھرے رہ گئے ہیں، کیونکہ کراچی اور کوئٹہ سمیت ملک کے دیگر حصوں سے آنے والی ٹرینیں مسلسل گھنٹوں تاخیر کا شکار ہیں، جس نے مسافروں کی زندگی اجیرن کر دی ہے۔

ذرائع کے مطابق، ریلوے کے ٹائم ٹیبل میں خرابی کے باعث طویل مسافتی ٹرینیں اپنے مقررہ وقت سے کئی گھنٹے لیٹ اسٹیشن پہنچ رہی ہیں۔ اس صورتحال نے نہ صرف مسافروں کے شیڈول کو متاثر کیا ہے بلکہ ریلوے اسٹیشنوں پر انتظار کرنے والے شہریوں، خصوصاً بچوں اور بزرگوں کو شدید پریشانی میں مبتلا کر دیا ہے۔