وفاقی سیکریٹریٹ اسلام آباد میں دفاتر کا کام گھر سے کرنے کا حکم، ملازمین کو شہر میں رہنے کی ہدایت

اسلام آباد: کابینہ ڈویژن نے وفاقی سیکریٹریٹ اسلام آباد میں کام کرنے والے سرکاری افسران اور ملازمین کے لیے نیا ہدایت نامہ جاری کرتے ہوئے دفاتر کا کام عارضی طور پر گھر سے انجام دینے کا حکم دیا ہے۔

نوٹیفکیشن کے مطابق تمام افسران اور ملازمین کو اسلام آباد میں ہی رہنے کی ہدایت کی گئی ہے تاکہ کسی بھی ہنگامی صورتحال میں انہیں فوری طور پر طلب کیا جا سکے۔

مزید بتایا گیا ہے کہ تمام ملازمین اور افسران کو شارٹ نوٹس پر دفاتر میں حاضر ہونے کے لیے تیار رہنا ہوگا، اور ضرورت پڑنے پر فوری طور پر دفتر پہنچنا لازمی ہوگا۔

کابینہ ڈویژن کے مطابق یہ فیصلہ انتظامی ضروریات کے تحت کیا گیا ہے اور صورتحال کے مطابق آئندہ اقدامات کیے جائیں گے۔