ضلعی انتظامیہ نے اسلام آباد میں دکانیں اور بس اڈے بند ہونے کی خبروں کی تردید کردی

اسلام آباد: ضلعی انتظامیہ اسلام آباد نے شہر میں دکانیں اور بس اڈے بند کیے جانے کی خبروں کو مسترد کر دیا ہے۔

ترجمان ضلعی انتظامیہ کے مطابق سوشل میڈیا پر گردش کرنے والی اطلاعات میں کسی قسم کی صداقت نہیں۔ واضح کیا گیا ہے کہ اسلام آباد میں دکانیں یا بس اڈے بند کرنے سے متعلق کوئی احکامات جاری نہیں کیے گئے۔

انتظامیہ کا کہنا ہے کہ شہری غیر مصدقہ خبروں پر کان نہ دھریں اور ذمہ داری کا مظاہرہ کریں۔ مزید کہا گیا ہے کہ شہر میں معمولات زندگی معمول کے مطابق جاری ہیں۔