وزیراعظم اور ترک صدرکی ملاقات، اسٹریٹجک شراکت داری مزید مضبوط بنانے کا عزم

وزیراعظم شہباز شریف کی انطالیہ ڈپلومیسی فورم کے موقع پر ترکیہ کے صدر رجب طیب اردوان سے اہم  ملاقات ہوئی۔

صدر اردوان نے وزیراعظم کی ترکیہ آمد اور پانچویں انطالیہ ڈپلومیسی فورم میں شرکت پر شکریہ ادا کیا اورکہا ترکیہ خطے میں قیام امن  کے لیے پاکستان کی سفارتی کاوشوں کی حمایت جاری رکھے گا

ملاقات میں دونوں رہنماؤں نے حالیہ علاقائی پیش رفت، خصوصاً مشرقِ وسطیٰ کی بدلتی ہوئی صورتحال پر تبادلہ خیال کیا۔وزیراعظم نے پاکستان کی امن کوششوں کی حمایت پر صدر اردوان کا شکریہ ادا کیا اورکہاکہ خطے میں دیرپا اور مستحکم امن کو فروغ دیا جائے۔

ملاقات کے دوران رواں سال انقرہ میں آٹھویں ہائی لیول اسٹریٹجک کوآپریشن کونسل کا اجلاس بلانے پر اتفاق ہوا،دونوں رہنماؤں  نے اسٹریٹجک شراکت داری کو مزید مضبوط بنانے کے عزم کا اعادہ  بھی۔کیا۔

نائب وزیراعظم و وزیر خارجہ محمد اسحاق ڈار، وزیر اطلاعات عطا اللہ تارڑ اور دیگر اعلیٰ حکام بھی ملاقات میں  شریک تھے،ترکیہ کے وزیر خارجہ حکان فیدان اور دیگر سینئر ترک حکام بھی اس موقع پر موجود تھے۔