پاکستان کی 16 کمپنیوں کو روس کو مچھلی برآمد کرنے کی اجازت مل گئی

چیئرمین پاکستان تحریک انصاف (پی ٹی آئی) بیرسٹر گوہر علی خان نے دعویٰ کیا ہے کہ عمران خان کی اہلیہ بشریٰ بی بی کو طبیعت ناساز ہونے کے باعث ہسپتال منتقل کر دیا گیا ہے۔ سوشل میڈیا پلیٹ فارم ‘ایکس’ پر جاری اپنے ایک بیان میں انہوں نے بتایا کہ گزشتہ رات انہیں بشریٰ بی بی کی ہسپتال منتقلی سے متعلق اطلاع ملی تھی، تاہم ان کے علاج اور موجودہ صورتحال کے حوالے سے مزید تفصیلات کا انتظار ہے تاکہ حقائق سامنے آ سکیں۔

بیرسٹر گوہر نے مطالبہ کیا کہ بشریٰ بی بی کو ان کے اہل خانہ سے ملنے کی فوری اجازت دی جائے، جبکہ بانی پی ٹی آئی عمران خان کی بھی ان کے فیملی ممبران سے ملاقات کو یقینی بنایا جائے۔ انہوں نے زور دیا کہ علاج معالجے کی سہولیات تک بروقت رسائی ہر شہری کا بنیادی اور قانونی حق ہے جس سے کسی کو محروم نہیں رکھا جا سکتا۔

دوسری جانب، وزیراعلیٰ خیبر پختونخوا کے معاون خصوصی شفیع جان نے بشریٰ بی بی کی صحت سے متعلق خبروں پر گہری تشویش کا اظہار کرتے ہوئے پنجاب حکومت کو کڑی تنقید کا نشانہ بنایا۔ انہوں نے کہا کہ اس حساس معاملے پر صوبائی حکومت کی خاموشی اور مبینہ غفلت افسوسناک ہے۔ شفیع جان کا کہنا تھا کہ بشریٰ بی بی ایک غیر سیاسی خاتون ہیں، لیکن ان کے خلاف سیاسی انتقام پر مبنی رویہ اپنایا جا رہا ہے جو ناقابل قبول ہے۔ انہوں نے مزید کہا کہ عمران خان کو دباؤ میں لانے کے لیے وفاقی اور پنجاب حکومت کے ہتھکنڈے ماضی کی طرح مستقبل میں بھی ناکام ثابت ہوں گے۔