ایران سے معاہدہ ہوا تو اسلام آباد جا سکتا ہوں، ڈونلڈ ٹرمپ
Web Desk
16 April 2026
واشنگٹن: امریکی صدر ڈونلڈ ٹرمپ نے کہا ہے کہ ایران کے ساتھ معاہدہ طے پانے کی صورت میں وہ اسلام آباد کا دورہ کر سکتے ہیں۔
وائٹ ہاؤس میں صحافیوں سے گفتگو کرتے ہوئے انہوں نے کہا کہ ایران کے ساتھ مذاکرات میں نمایاں پیش رفت ہوئی ہے اور اگلی ملاقات ہفتے کے آخر میں متوقع ہے۔ ان کا کہنا تھا کہ مثبت اشارے مل رہے ہیں اور امید ہے کہ ایران کے ساتھ معاہدہ ہو جائے گا۔
امریکی صدر نے کہا کہ پاکستان نے جنگ بندی کے حوالے سے بہت عمدہ کردار ادا کیا ہے اور پاکستانی فیلڈ مارشل کو ایک مضبوط شخصیت قرار دیا۔
انہوں نے واضح کیا کہ ایران کے پاس جوہری ہتھیار نہیں ہونے چاہئیں، اگر معاہدہ نہ ہوا تو دوبارہ جنگ چھڑ سکتی ہے، تاہم ایران اب ایسے اقدامات پر آمادہ ہے جن سے وہ پہلے گریز کرتا تھا۔
ڈونلڈ ٹرمپ کا کہنا تھا کہ آبنائے ہرمز میں امریکی ناکہ بندی مؤثر انداز میں جاری ہے اور ایران اس بات پر رضامند ہے کہ وہ جوہری ہتھیار حاصل نہیں کرے گا، جبکہ بعض حساس مواد واپس کرنے پر بھی آمادگی ظاہر کی گئی ہے۔
انہوں نے مزید کہا کہ اگر ایران کے ساتھ معاہدہ ہو جاتا ہے تو تیل کی قیمتوں میں کمی آئے گی اور مہنگائی میں بھی کمی متوقع ہے۔ امریکی صدر نے لبنان کی صورتحال پر بات کرتے ہوئے کہا کہ وہاں جنگ بندی کے لیے حکومتی سطح پر اقدامات جاری ہیں اور جلد اہم رہنماؤں سے ملاقاتیں بھی متوقع ہیں۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
سات شرائط پوری ہونے تک آبنائے ہرمز نہیں کھلے گی، پاسداران انقلاب
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026