آزاد کشمیر پولیس کی کارروائی، ’را‘ کا نیٹ ورک بے نقاب، کارندہ گرفتار
Web Desk
16 April 2026
مظفر آباد: آزاد جموں و کشمیر پولیس نے ایک بڑی کارروائی کرتے ہوئے بھارتی خفیہ ایجنسی ’را‘ (RAW) کے لیے جاسوسی کرنے والے ایک مبینہ کارندے کو گرفتار کر کے دشمن کا تخریبی منصوبہ ناکام بنا دیا ہے۔ آئی جی پولیس آزاد کشمیر کیپٹن (ر) لیاقت علی ملک نے پریس کانفرنس کے دوران انکشاف کیا کہ راولا کوٹ پولیس نے بروقت ایکشن لیتے ہوئے ملزم عرفان کو گرفتار کیا، جو حساس مقامات اور فوجی تنصیبات کی ریکی کرنے کے ساتھ ساتھ ان کی ویڈیوز بنا کر بھارت منتقل کر رہا تھا۔
آئی جی کے مطابق، گرفتار ملزم نہ صرف حساس معلومات فراہم کر رہا تھا بلکہ وہ تعلیمی اداروں اور شہریوں کو نشانہ بنانے کی خطرناک منصوبہ بندی میں بھی ملوث پایا گیا ہے۔ اس گرفتاری سے دشمن کا ایک پورا نیٹ ورک بے نقاب ہوا ہے جو سوشل میڈیا کے ذریعے بھارتی ہینڈلرز سے رابطے میں تھا۔ پولیس حکام کا کہنا ہے کہ ملک دشمن عناصر منظم انداز میں ریاست کی سلامتی کو نقصان پہنچانے کی کوشش کر رہے تھے، تاہم بروقت انٹیلی جنس معلومات نے بڑے سانحے سے بچا لیا۔واضح رہے کہ یہ کارروائی سکیورٹی اداروں کے اس ملک گیر کریک ڈاؤن کا تسلسل ہے جس کے تحت تین روز قبل بھی نارووال، بہاولپور اور راولا کوٹ سے ‘را’ کے تین جاسوس پکڑے گئے تھے۔ آئی جی لیاقت علی ملک نے عزم ظاہر کیا کہ آزاد کشمیر کی سرزمین کا تقدس کسی صورت پامال نہیں ہونے دیا جائے گا اور سکیورٹی ادارے خطے کے امن و استحکام کے لیے دشمن کے ہر وار کا منہ توڑ جواب دیں گے۔ گرفتار ملزم سے مزید تفتیش جاری ہے جس سے نیٹ ورک کے دیگر اراکین کی گرفتاری بھی متوقع ہے۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026
مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس
19 November 2026