LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن

پاکستان امریکا اور ایران کے درمیان ثالثی کا اہم کردار ادا کر رہا ہے: دفتر خارجہ

Web Desk

16 April 2026

اسلام آباد: دفترِ خارجہ نے باضابطہ طور پر تصدیق کی ہے کہ پاکستان، امریکہ اور ایران کے درمیان کشیدگی کو کم کرنے کے لیے ایک کلیدی ثالث کے طور پر ابھرا ہے۔ ترجمان وزارتِ خارجہ طاہر حسین اندرابی نے ہفتہ وار بریفنگ کے دوران بتایا کہ اسلام آباد کی میزبانی میں ہونے والا مذاکراتی عمل مجموعی طور پر 21 گھنٹوں تک جاری رہا، جبکہ مجموعی پراسس تقریباً 30 گھنٹے پر محیط تھا۔ انہوں نے ان مذاکرات کو “تعمیری” قرار دیتے ہوئے کہا کہ پاکستان کی اس سفارت کاری کو عالمی سطح پر بھرپور پذیرائی مل رہی ہے، جس کے نتیجے میں فریقین کے درمیان جنگ بندی ممکن ہو سکی ہے۔

ترجمان کے مطابق، وزیراعظم شہباز شریف نے اس عمل کے لیے ذاتی طور پر مختلف عالمی سربراہان سے رابطے کیے اور وہ اس وقت ریجنل ممالک کے دورے پر ہیں، جبکہ اعلیٰ عسکری قیادت (فیلڈ مارشل) بھی تہران پہنچ چکی ہے۔ نائب وزیراعظم اور وزیرِ خارجہ اسحاق ڈار اور ان کی ٹیم نے ان پیچیدہ مذاکرات کے انعقاد میں انتھک محنت کی ہے۔ پاکستان کا مؤقف واضح رہا ہے کہ خطے میں امن و استحکام کا واحد راستہ بارود نہیں بلکہ مستقل مکالمہ اور سفارت کاری ہے۔ترجمان دفترِ خارجہ نے مزید کہا کہ پاکستان ایک ذمہ دار ریاست کے طور پر پیچیدہ جغرافیائی و سیاسی چیلنجز کے حل کے لیے اپنی اصولی اور مکالمہ پر مبنی پالیسی جاری رکھے گا۔ ان کوششوں کا مقصد نہ صرف دو ممالک کے درمیان جنگ روکنا ہے بلکہ پورے خطے میں معاشی اور سفارتی تعاون کی راہ ہموار کرنا ہے۔ ماہرینِ خارجہ امور اس پیش رفت کو حالیہ دہائیوں میں پاکستان کی سب سے بڑی سفارتی کامیابی قرار دے رہے ہیں، جس نے خطے کو ایک بڑے المیے سے بچا لیا ہے۔