LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن

حکومت کا ملک بھر میں ‘ڈیجیٹل فیول مینجمنٹ سسٹم’ نافذ کرنے کا فیصلہ

Web Desk

16 April 2026

اسلام آباد: وفاقی حکومت نے پیٹرولیم مصنوعات کی شفاف ترسیل اور اسمگلنگ کی روک تھام کے لیے ملک بھر میں ڈیجیٹل فیول مینجمنٹ سسٹم نافذ کرنے کا بڑا فیصلہ کیا ہے۔ پیٹرولیم ڈویژن کے ذرائع کے مطابق، اس منصوبے کے تحت ملک کے 12 ہزار پیٹرول پمپس کے لیے 24 ہزار جدید موبائل ڈیوائسز خرید لی گئی ہیں، جو اوگرا (OGRA) کے ذریعے آئل مارکیٹنگ کمپنیوں کے حوالے کر دی گئی ہیں۔ اس ڈیجیٹل سسٹم کے ذریعے پیٹرولیم مصنوعات کی درآمد، برآمد، اسٹاک اور خرید و فروخت کی مکمل مانیٹرنگ کی جائے گی، جس سے غیر قانونی ذخیرہ اندوزی کا خاتمہ ممکن ہو سکے گا۔

اس نئے نظام کے تحت شہریوں کی ذاتی گاڑیوں کے لیے پیٹرول کا کوٹہ مقرر کیا جائے گا۔ یہ کوٹہ سسٹم پاکستان ڈیجیٹل اتھارٹی کی تیار کردہ ایک مخصوص موبائل ایپ کے ذریعے چلایا جائے گا، اور کسی بھی شخص کو اپنے مقررہ کوٹہ سے زائد پیٹرول خریدنے کی اجازت نہیں ہوگی۔ وزارتِ آئی ٹی، نیشنل انفارمیشن ٹیکنالوجی بورڈ (NITB) اور اوگرا کی جانب سے پیٹرول پمپ اسٹاف کو اس سسٹم اور ایپ کے استعمال کے حوالے سے باقاعدہ تربیت فراہم کی جا رہی ہے، جس میں وزیراعظم یوتھ پروگرام کے رضاکار بھی معاونت کر رہے ہیں۔حکام کا کہنا ہے کہ فیول مینجمنٹ کے لیے تیار کی گئی ایپلی کیشن کی ٹیسٹنگ پہلے ہی کامیابی سے مکمل کی جا چکی ہے۔ یہ سسٹم نہ صرف پیٹرولیم بحرانوں پر قابو پانے میں مدد دے گا بلکہ حکومت کو اصل وقت (Real-time) میں ڈیٹا فراہم کرے گا کہ کس علاقے میں کتنی کھپت ہو رہی ہے۔ پیٹرول کوٹہ کا باقاعدہ اعلان وفاقی حکومت کی جانب سے جلد متوقع ہے، جسے ملکی معیشت پر پڑنے والے درآمدی بوجھ کو کم کرنے کے لیے ایک سٹریٹجک قدم قرار دیا جا رہا ہے۔