پاکستان واحد ثالث ہے، مذاکرات کا اگلا دور بھی اسلام آباد میں ہوگا؛ ترجمان وائٹ ہاؤس
Web Desk
15 April 2026
واشنگٹن میں وائٹ ہاؤس کی ترجمان کیرولین لیویٹ نے پاکستان کی جانب سے جنگ بندی کے لیے کی جانے والی کوششوں کو سراہتے ہوئے کہا ہے کہ ایران اور امریکا کے درمیان جاری مذاکرات کا اگلا مرحلہ ممکنہ طور پر اسلام آباد میں ہوگا۔
پریس کانفرنس کے دوران ترجمان نے بتایا کہ ایران کے ساتھ بات چیت مثبت اور نتیجہ خیز انداز میں جاری ہے، جبکہ دونوں ممالک پاکستان کی ثالثی کی سنجیدہ کوششوں کو قدر کی نگاہ سے دیکھتے ہیں۔ ان کا کہنا تھا کہ اس عمل میں پاکستان ایک اہم اور مؤثر ثالث کا کردار ادا کر رہا ہے۔
ترجمان وائٹ ہاؤس نے جنگ بندی میں توسیع سے متعلق خبروں کو مسترد کرتے ہوئے کہا کہ امریکا کی جانب سے ایسی کوئی درخواست نہیں کی گئی۔
انہوں نے مزید بتایا کہ آبنائے ہرمز میں ناکہ بندی مکمل طور پر نافذ کر دی گئی ہے، جس کا اطلاق ایرانی بندرگاہوں سے روانہ ہونے والے تمام ممالک کے جہازوں پر ہو رہا ہے۔
ایک سوال کے جواب میں ترجمان نے کہا کہ چین کے صدر نے امریکی صدر ڈونلڈ ٹرمپ کو یقین دہانی کرائی ہے کہ چین ایران کو اسلحہ فراہم نہیں کر رہا۔
ذرائع کے مطابق ایران اور امریکا کے درمیان مذاکرات کے دوسرے مرحلے کے لیے اسلام آباد میں تیاریوں کا آغاز کر دیا گیا ہے اور متعلقہ اداروں کو ضروری ہدایات جاری کی جا چکی ہیں۔
اطلاعات کے مطابق امریکی وفد کی قیادت نائب صدر جے ڈی وینس کریں گے، جبکہ ایران کی جانب سے اسپیکر باقر قالیباف اور وزیر خارجہ عباس عراقچی نمائندگی کریں گے۔ تاہم ایرانی وزارت خارجہ کے ترجمان نے واضح کیا ہے کہ مذاکرات کے لیے حتمی تاریخ تاحال طے نہیں کی گئی۔
یاد رہے کہ دونوں ممالک کے درمیان مذاکرات کا پہلا دور گیارہ اپریل کو اسلام آباد میں ہوا تھا، جو طویل مشاورت کے باوجود کسی حتمی معاہدے کے بغیر اختتام پذیر ہوا۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
سات شرائط پوری ہونے تک آبنائے ہرمز نہیں کھلے گی، پاسداران انقلاب
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026