وزیراعلیٰ پنجاب کی مثالی گاؤں منصوبے کے دوسرے مرحلے کی منظوری
Web Desk
15 April 2026
وزیراعلیٰ پنجاب مریم نواز نے صوبے کے دیہی علاقوں کی محرومیاں دور کرنے کے لیے ‘مثالی گاؤں منصوبے’ کے دوسرے مرحلے کی اصولی منظوری دے دی ہے۔ وزیراعلیٰ کی زیرِ صدارت منعقدہ اعلیٰ سطحی اجلاس میں دیہی ترقی اور صاف پانی کے منصوبوں پر پیش رفت کا تفصیلی جائزہ لیا گیا، جس میں بتایا گیا کہ دوسرے مرحلے میں مزید 7500 دیہات کو ماڈل ویلیج بنایا جائے گا، جبکہ پہلے مرحلے میں 485 دیہات پر 59 ارب روپے کی لاگت سے کام تیزی سے جاری ہے۔
منصوبے کے تحت دیہات میں جدید واٹر سپلائی، سولر سسٹم پر چلنے والے ٹیوب ویلز، نکاسی آب کا بہتر نظام اور گندے پانی کے تالابوں کی صفائی کو یقینی بنایا جائے گا۔ وزیراعلیٰ نے ہدایت کی ہے کہ دیہات میں موجود تالابوں (چھپڑوں) کی صفائی 30 جون تک ہر صورت مکمل کی جائے، جبکہ 31 اگست تک سیپٹک ٹینکس کی تعمیر کا ہدف مقرر کیا گیا ہے تاکہ گندے پانی کو صاف کر کے آبپاشی کے قابل بنایا جا سکے۔ شفافیت کو یقینی بنانے کے لیے ہر گاؤں کی ترقیاتی کاموں سے پہلے اور بعد کی ویڈیوز پیش کرنے اور ڈیجیٹل مانیٹرنگ سسٹم متعارف کرانے کا بھی حکم دیا گیا ہے۔
اجلاس کے دوران آلودہ علاقوں میں صاف پانی کی فراہمی پر خصوصی زور دیا گیا اور شکایات کے فوری ازالے کے لیے ہیلپ لائن 1336 قائم کر دی گئی ہے۔ وزیراعلیٰ نے خوشاب، چشتیاں اور راجن پور میں جاری بوٹلنگ پلانٹس اور واٹر سپلائی اسکیموں کو مقررہ مدت میں مکمل کرنے کی سخت ہدایت کی، تاکہ دور دراز علاقوں کے مکینوں کو بھی شہروں جیسی بنیادی سہولیات میسر آ سکیں۔ مریم نواز کا کہنا تھا کہ پنجاب کے دیہات کو ترقی کی راہ پر گامزن کرنا ان کی حکومت کی اولین ترجیح ہے۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
سات شرائط پوری ہونے تک آبنائے ہرمز نہیں کھلے گی، پاسداران انقلاب
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026