LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن

پاک فضائیہ جدید ٹیکنالوجی سے لیس مضبوط فورس ہے: نیول چیف ایڈمرل نوید اشرف

Web Desk

14 April 2026

پی اے ایف اکیڈمی اصغر خان، رسالپور میں جی ڈی پی 152 اور الائیڈ کورسز کی گریجویشن پریڈ کی ایک پروقار تقریب منعقد ہوئی، جس میں پاک بحریہ کے سربراہ ایڈمرل نوید اشرف نے بطور مہمانِ خصوصی شرکت کی۔ اس موقع پر ایئر چیف مارشل ظہیر احمد بابر سدھو بھی ان کے ہمراہ تھے۔ نیول چیف نے پریڈ کا معائنہ کیا اور نمایاں کارکردگی دکھانے والے کیڈٹس میں اعزازات تقسیم کیے۔ پاس آؤٹ ہونے والے کیڈٹس نے مادرِ وطن کے دفاع کے لیے اپنے فرائض تندہی سے نبھانے کا حلف بھی اٹھایا۔

تقریب سے خطاب کرتے ہوئے ایڈمرل نوید اشرف نے پاک فضائیہ کی پیشہ ورانہ صلاحیتوں کو زبردست خراجِ تحسین پیش کیا۔ انہوں نے کہا کہ پاک فضائیہ جدید ٹیکنالوجی سے لیس ایک ایسی مضبوط قوت ہے جس نے نہ صرف روایتی میدان بلکہ سائبر اور الیکٹرانک وارفیئر میں بھی اپنی مہارت کا لوہا منوایا ہے۔ ان کا کہنا تھا کہ معرکہ حق کے دوران ایئر فورس کی کارکردگی مثالی رہی اور اصغر خان اکیڈمی سے فارغ التحصیل ہونے والے افسران کی ملکی دفاع کے لیے خدمات کی ایک طویل اور سنہری تاریخ ہے۔

نیول چیف نے عالمی اور علاقائی صورتحال پر گفتگو کرتے ہوئے کہا کہ ایران اور امریکہ کے تنازع اور آبنائے ہرمز کی بندش نے عالمی سطح پر تیل کی سپلائی کو شدید متاثر کیا ہے۔ تاہم، انہوں نے فخر سے بتایا کہ پاکستان کی سیاسی اور عسکری قیادت کی بروقت سفارتی کوششوں کی بدولت مشرقِ وسطیٰ میں جنگ بندی ممکن ہوئی۔ انہوں نے مزید کہا کہ پاک بحریہ بحری سرحدوں کے دفاع کے لیے الرٹ ہے اور افواجِ پاکستان قوم کی حمایت سے دہشت گردی کا کامیابی سے مقابلہ کر رہی ہیں۔ ایڈمرل نوید اشرف نے کسی بھی قسم کی جارحیت کا منہ توڑ جواب دینے کے پختہ عزم کا اعادہ بھی کیا۔