LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن

مشرقِ وسطیٰ بحران کے اثرات؛ ملک میں بجلی کا بڑا بریک ڈاؤن

Web Desk

14 April 2026

مشرقِ وسطیٰ میں جاری کشیدگی نے پاکستان کے توانائی کے شعبے کو شدید بحران سے دوچار کر دیا ہے، جس کے باعث ملک میں بجلی کی پیداوار میں 10 ہزار میگاواٹ کی بڑی کمی ریکارڈ کی گئی ہے۔ ذرائع کے مطابق، عالمی سطح پر سپلائی چین متاثر ہونے سے درآمدی ایل این جی (LNG) سے بجلی کی پیداوار میں 3600 میگاواٹ کی کمی آئی ہے، جبکہ درآمدی کوئلے پر چلنے والے ساہیوال پاور پلانٹ کی 1180 میگاواٹ پیداوار بھی مکمل بند ہو گئی ہے۔ اس کے علاوہ، نندی پور پاور پلانٹ سے 525 میگاواٹ اور فرنس آئل سے پیدا ہونے والی 1500 میگاواٹ بجلی بھی سسٹم سے نکل چکی ہے، جبکہ نیلم جہلم پراجیکٹ سے 979 میگاواٹ کی فراہمی پہلے ہی معطل ہے۔

بجلی کی پیداوار میں اس بڑے تعطل کے نتیجے میں ملک میں بجلی کا شارٹ فال 3500 میگاواٹ تک پہنچ گیا ہے۔ اس وقت بجلی کی کل طلب 14 ہزار میگاواٹ ہے جبکہ سسٹم میں صرف 10 ہزار 500 میگاواٹ بجلی دستیاب ہے۔ طلب اور رسد میں اس بڑے فرق کی وجہ سے ملک بھر میں غیر اعلانیہ لوڈشیڈنگ کے دورانیے میں ہوش ربا اضافہ کر دیا گیا ہے۔ شہری علاقوں میں 12 سے 14 گھنٹے تک بجلی غائب رہنا معمول بن گیا ہے، جس نے عوامی زندگی کو مفلوج کر کے رکھ دیا ہے۔

حالات کی سنگینی کا اندازہ اس بات سے لگایا جا سکتا ہے کہ لائن لاسز اور بجلی چوری والے علاقوں میں لوڈشیڈنگ کا دورانیہ 16 سے 18 گھنٹے تک پہنچ گیا ہے۔ پاور ڈویژن کے ذرائع کا کہنا ہے کہ مشرقِ وسطیٰ میں جنگی صورتحال کے باعث ایندھن کی درآمد میں مشکلات پیش آ رہی ہیں، جس کا براہِ راست اثر پاور پلانٹس پر پڑا ہے۔ ماہرینِ معیشت نے خبردار کیا ہے کہ اگر توانائی کا یہ بحران جلد حل نہ کیا گیا تو اس کے اثرات صنعتی پیداوار اور ملکی برآمدات پر بھی پڑ سکتے ہیں، جس سے معاشی صورتحال مزید ابتر ہونے کا خدشہ ہے۔