واشنگٹن: وزیر خزانہ محمد اورنگزیب کی ورلڈ بینک کی ایم ڈی سے ملاقات
Web Desk
13 April 2026
وفاقی وزیر خزانہ محمد اورنگزیب نے واشنگٹن میں ورلڈ بینک اور آئی ایم ایف کے بہار اجلاسوں کے موقع پر عالمی بینک کی مینیجنگ ڈائریکٹر (ایم ڈی) انا بیردے سے اہم ملاقات کی ہے۔ وزارتِ خزانہ کے مطابق، اس ملاقات میں پاکستان کی مجموعی معاشی صورتحال، جاری اصلاحاتی ایجنڈے اور سماجی تحفظ کے پروگراموں پر تفصیلی تبادلہ خیال کیا گیا۔ وزیر خزانہ نے ملک میں معاشی استحکام اور ترقیاتی منصوبوں کے لیے ورلڈ بینک کی مسلسل حمایت کو سراہا اور اسے پاکستان کی ترقی کے لیے ناگزیر قرار دیا۔
ملاقات کے دوران مشرقِ وسطیٰ میں جاری حالیہ سیاسی و عسکری تنازع کے پاکستان کی معیشت پر ممکنہ اثرات اور ان سے نمٹنے کے اقدامات پر بھی غور کیا گیا۔ دونوں فریقین نے اس بات پر اتفاق کیا کہ غریب اور متوسط طبقے کو معاشی جھٹکوں سے بچانے کے لیے سماجی تحفظ کے اقدامات کو مزید مضبوط بنانا ضروری ہے۔ ملاقات میں ‘کنٹری پارٹنرشپ فریم ورک’ کے تحت ہونے والی پیش رفت کا بھی جائزہ لیا گیا اور مستقبل کے تعاون کے خدوخال واضح کیے گئے۔
وزیر خزانہ محمد اورنگزیب نے خاص طور پر پاکستان کی بڑھتی ہوئی آبادی کے چیلنجز پر روشنی ڈالتے ہوئے کہا کہ اس مسئلے سے نمٹنے کے لیے وفاق اور صوبوں کے درمیان بہتر ہم آہنگی وقت کی ضرورت ہے۔ انہوں نے ورلڈ بینک سے درخواست کی کہ وہ آبادی کے انتظام اور اس سے وابستہ مسائل کے حل کے لیے ایک جامع ماسٹر پلان تیار کرنے میں پاکستان کے ساتھ تکنیکی تعاون کرے۔ عالمی بینک کی ایم ڈی نے پاکستان کی جانب سے معاشی نظم و ضبط کے قیام کی کوششوں کو سراہا اور مستقبل میں ہر ممکن تعاون جاری رکھنے کی یقین دہانی کروائی۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
سات شرائط پوری ہونے تک آبنائے ہرمز نہیں کھلے گی، پاسداران انقلاب
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026