LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن

17 سال قید کی سزا کا معاملہ؛ ایمان مزاری نے سزا معطل نہ کرنے کے فیصلے کو سپریم کورٹ میں چیلنج کر دیا

Web Desk

13 April 2026

حقوقِ انسانی کی کارکن اور وکیل ایمان زینب مزاری نے اپنی سزا معطلی کی درخواست پر اسلام آباد ہائی کورٹ کی جانب سے صرف نوٹس جاری کیے جانے کے خلاف سپریم کورٹ سے رجوع کر لیا ہے۔ ایمان مزاری نے ہائی کورٹ کے 19 فروری 2026 کے حکم نامے کو چیلنج کرتے ہوئے استدعا کی ہے کہ عدالتِ عظمیٰ ہائی کورٹ کے حکم میں ترمیم کرے اور ان کی سزا معطل کرنے کا حکم جاری کرے۔ درخواست میں مؤقف اختیار کیا گیا ہے کہ ہائی کورٹ نے مرکزی اپیل تو سماعت کے لیے منظور کر لی لیکن سزا معطل نہ کر کے اپنے صوابدیدی اختیارات کا غیر قانونی استعمال کیا ہے۔

درخواست گزار کے مطابق، ٹرائل کورٹ کا فیصلہ بدنیتی پر مبنی، غیر قانونی اور دائرہ اختیار سے باہر ہے۔ ایمان مزاری نے سپریم کورٹ کو بتایا کہ ان کی عدم موجودگی میں شہادتیں ریکارڈ کی گئیں، جو کہ قانون کی سنگین خلاف ورزی ہے۔ واضح رہے کہ ٹرائل کورٹ نے ایمان زینب مزاری کو پیکا ایکٹ 2016 کی مختلف دفعات کے تحت مجموعی طور پر 17 سال قید اور 3 کروڑ 60 لاکھ روپے جرمانے کی سزا سنائی تھی۔

ایمان زینب مزاری اس وقت راولپنڈی کی اڈیالہ جیل میں قید ہیں اور ان کی قانونی ٹیم کا مؤقف ہے کہ جب تک مرکزی اپیل کا فیصلہ نہیں ہو جاتا، انہیں جیل میں رکھنا انصاف کے تقاضوں کے منافی ہے۔ سپریم کورٹ میں دائر اس درخواست کو قانونی و سیاسی حلقوں میں انتہائی اہم قرار دیا جا رہا ہے، کیونکہ اس میں ٹرائل کے طریقہ کار اور بنیادی قانونی حقوق کی فراہمی پر سنگین سوالات اٹھائے گئے ہیں۔ اب گیند سپریم کورٹ کے کورٹ میں ہے کہ وہ ہائی کورٹ کے فیصلے پر کیا حکم صادر کرتی ہے۔