بانی پی ٹی آئی کے دستخطوں کا معاملہ؛ وکیل خالد یوسف چوہدری دستاویزات کی وصولی کے لیے دوبارہ اڈیالہ جیل پہنچ گئے
Web Desk
13 April 2026
اڈیالہ جیل راولپنڈی میں قید بانی پی ٹی آئی کی قانونی دستاویزات پر دستخط کا معاملہ ایک بار پھر طول پکڑ گیا ہے، جس کے باعث سپریم کورٹ میں اپیلوں کی دائرگی میں تاخیر کا سامنا ہے۔ بانی پی ٹی آئی کے وکیل خالد یوسف چوہدری آج دوبارہ اڈیالہ جیل پہنچے جہاں انہوں نے میڈیا سے گفتگو کرتے ہوئے بتایا کہ وہ جیل حکام سے ان دستخط شدہ دستاویزات کی وصولی کے لیے آئے ہیں جو سپریم کورٹ میں اپیل دائر کرنے کے لیے انتہائی ضروری ہیں۔ وکیل کا کہنا تھا کہ انہوں نے بذریعہ خط سپرنٹنڈنٹ جیل کو یہ دستاویزات فراہم کی تھیں، تاہم تاحال انہیں واپس نہیں کیا گیا۔
خالد یوسف چوہدری نے جیل حکام کے رویے پر تحفظات کا اظہار کرتے ہوئے کہا کہ وہ اس سے قبل بھی دو بار جیل آ چکے ہیں لیکن ہر بار دستخط نہ ہونے کی وجہ سے انہیں خالی ہاتھ لوٹنا پڑا، جس کی وجہ سے اہم قانونی اپیلیں ابھی تک سپریم کورٹ میں جمع نہیں کروائی جا سکیں۔ انہوں نے مزید بتایا کہ اس معاملے کی سنگینی کے پیشِ نظر انہوں نے آئی جی جیل خانہ جات کو قانونی و محکمانہ کارروائی کے لیے درخواست دے دی ہے، جبکہ ایس پی صدر سرکل راولپنڈی کو بھی اس صورتحال سے تحریری طور پر آگاہ کر دیا گیا ہے۔
بانی پی ٹی آئی کے وکیل کا کہنا ہے کہ وہ اس وقت جیل کے باہر دستاویزات کی واپسی کے منتظر ہیں تاکہ قانونی عمل کو آگے بڑھایا جا سکے۔ ان کے مطابق جیل حکام کی جانب سے تاخیری حربے بانی پی ٹی آئی کے بنیادی قانونی حقوق کی خلاف ورزی ہیں۔ پی ٹی آئی کے قانونی حلقوں میں اس معاملے پر شدید تشویش پائی جاتی ہے، اور وکلاء کا ماننا ہے کہ بروقت اپیل دائر نہ ہونا ان کے کیسز پر منفی اثرات مرتب کر سکتا ہے۔ جیل انتظامیہ کی جانب سے تاحال اس معاملے پر کوئی باضابطہ مؤقف سامنے نہیں آیا ہے۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026
مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس
19 November 2026