پاکستان نے مشرق وسطیٰ بحران کے باوجود صورتحال بہتر انداز میں سنبھالی: وزیر خزانہ
Web Desk
13 April 2026
وفاقی وزیرِ خزانہ محمد اورنگزیب نے ہارورڈ یونیورسٹی میں منعقدہ ایک اعلیٰ سطح کی پینل ڈسکشن سے خطاب کرتے ہوئے کہا ہے کہ پاکستان نے مشرقِ وسطیٰ کے حالیہ بحران اور اس کے نتیجے میں پیدا ہونے والے عالمی ‘سپلائی شاک’ کے باوجود اپنی معیشت کو بہتر انداز میں سنبھالا ہے۔ انہوں نے واضح کیا کہ عالمی تنازعات کے باوجود پاکستان نے توانائی کی فراہمی کے تسلسل کو برقرار رکھا اور توانائی کی قیمتوں کی مکمل منتقلی (Pass-through) کے ساتھ ساتھ صرف ضرورت مند طبقات کے لیے ٹارگٹڈ سبسڈی کا نظام رائج کیا، جو معاشی استحکام کی جانب ایک بڑا قدم ہے۔
وزیرِ خزانہ نے ملک کے مالیاتی اشاریوں پر اطمینان کا اظہار کرتے ہوئے بتایا کہ یورو بانڈ کی بروقت ادائیگی سے عالمی مارکیٹ میں پاکستان پر اعتماد بحال ہوا ہے، جبکہ روشن ڈیجیٹل اکاؤنٹ میں مارچ کے دوران ریکارڈ ترسیلاتِ زر موصول ہوئیں۔ تاہم، انہوں نے خبردار کیا کہ صرف ترسیلاتِ زر پائیدار حل نہیں ہیں بلکہ برآمدات میں اضافہ ناگزیر ہے۔ محمد اورنگزیب نے معاشی اصلاحات پر زور دیتے ہوئے کہا کہ ایف بی آر میں ڈیجیٹائزیشن اور آٹومیشن کا عمل تیزی سے جاری ہے تاکہ ٹیکس ٹو جی ڈی پی کی شرح کو بڑھایا جا سکے، جبکہ صنعتوں کے لیے مستقل سبسڈی ختم کر کے مسابقتی ماڈل اپنایا جا رہا ہے۔
توانائی کے شعبے میں پیش رفت کا ذکر کرتے ہوئے وزیرِ خزانہ نے بتایا کہ ملک میں شمسی توانائی کی صلاحیت 8000 میگاواٹ تک پہنچ گئی ہے اور حکومت کا ہدف قابلِ تجدید توانائی کے حصے میں مزید اضافہ کرنا ہے۔ انہوں نے مزید کہا کہ چاروں صوبوں میں زرعی آمدن پر ٹیکس کی قانون سازی مکمل ہو چکی ہے اور 28 سرکاری ادارے نجکاری کے لیے پرائیویٹائزیشن کمیشن کے حوالے کر دیے گئے ہیں۔ انہوں نے آبادی میں تیزی سے اضافے اور ماحولیاتی تبدیلیوں کو مستقبل کے بڑے چیلنجز قرار دیتے ہوئے اس عزم کا اعادہ کیا کہ حکومت کی اولین ترجیح ملک میں کاروباری ماحول کو بہتر بنانا ہے۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
سات شرائط پوری ہونے تک آبنائے ہرمز نہیں کھلے گی، پاسداران انقلاب
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026