LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن

ہارورڈ یونیورسٹی میں پاکستان کی معیشت پر اعلیٰ سطحی پینل ڈسکشن، وزیر خزانہ کا خطاب

Web Desk

12 April 2026

امریکا کی ہارورڈ یونیورسٹی میں پاکستان کی معیشت پر اعلیٰ سطحی پینل ڈسکشن کا انعقاد کیا گیا جس میں وفاقی وزیر خزانہ محمد اورنگزیب نے خصوصی خطاب کیا اور ملکی معاشی صورتحال، اصلاحات اور مستقبل کی پالیسیوں پر تفصیلی روشنی ڈالی۔

وزیر خزانہ نے کہا کہ مشرق وسطیٰ میں جاری تنازع عالمی معیشت کے لیے ایک بڑا سپلائی شاک ہے، تاہم پاکستان نے توانائی کی فراہمی میں تسلسل برقرار رکھا ہے۔ انہوں نے بتایا کہ ابتدائی سبسڈی کے بعد توانائی کی قیمتوں کو مرحلہ وار منتقل کیا گیا ہے جبکہ ٹارگٹڈ سبسڈی کا نظام جاری ہے۔

محمد اورنگزیب کے مطابق بحرانوں کے باوجود پاکستان نے مجموعی معاشی صورتحال کو بہتر انداز میں سنبھالا ہے۔ انہوں نے کہا کہ یورو بانڈ ادائیگی ایک معمول کا معاملہ ثابت ہوئی جو بیرونی مالی اعتماد کی علامت ہے۔

انہوں نے بتایا کہ کراچی بندرگاہ پر ٹرانزٹ ٹریفک میں ریکارڈ اضافہ ہوا ہے جبکہ روشن ڈیجیٹل اکاؤنٹ میں مارچ کے دوران ریکارڈ ترسیلات زر موصول ہوئیں۔ تاہم انہوں نے واضح کیا کہ ترسیلات زر مستقل حل نہیں، اصل توجہ برآمدات پر ہونی چاہیے۔

وزیر خزانہ نے کہا کہ اصل چیلنج اصلاحات پر عملدرآمد ہے، جبکہ ٹیکس نظام میں بہتری اور ٹیکس ٹو جی ڈی پی بڑھانے کی کوششیں جاری ہیں۔ انہوں نے بتایا کہ فیڈرل بورڈ آف ریونیو میں ڈیجیٹلائزیشن اور آٹومیشن کا عمل جاری ہے۔

انہوں نے مزید کہا کہ صنعتی شعبے کے لیے مستقل سبسڈی کا خاتمہ ضروری ہے اور عالمی منڈی سے ہم آہنگی کے لیے ٹیرف اصلاحات پر کام کیا جا رہا ہے۔ ان کے مطابق ملک میں شمسی توانائی کا حصہ 8000 میگاواٹ تک پہنچ چکا ہے جبکہ قابل تجدید توانائی میں مزید اضافہ حکومت کا ہدف ہے۔

وزیر خزانہ نے بتایا کہ چاروں صوبوں میں زرعی آمدن ٹیکس سے متعلق قانون سازی مکمل ہو چکی ہے جبکہ 28 سرکاری ادارے نجکاری کے لیے متعلقہ کمیشن کو بھیجے گئے ہیں۔

انہوں نے آبادی میں اضافہ اور ماحولیاتی تبدیلی کو بڑے چیلنجز قرار دیتے ہوئے کہا کہ کاروباری ماحول کو بہتر بنانا حکومت کی اولین ترجیح ہے۔