LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن

اسلام آباد مذاکرات بے نتیجہ، امریکا بغیر معاہدہ واپس جا رہا ہے: جے ڈی وینس

Web Desk

12 April 2026

نائب امریکی صدر جے ڈی وینس نے اسلام آباد میں مذاکرات کے بعد پریس بریفنگ دیتے ہوئے اعلان کیا ہے کہ ایران کے ساتھ کوئی حتمی معاہدہ طے نہیں پا سکا اور امریکا بغیر کسی ڈیل کے واپس جا رہا ہے۔

انہوں نے بتایا کہ ایران کے ساتھ تقریباً 21 گھنٹے تک مذاکرات جاری رہے، جن میں مختلف اہم امور پر بات چیت کی گئی۔ جے ڈی وینس کے مطابق امریکی وفد نے نیک نیتی کے ساتھ مذاکرات میں شرکت کی اور اپنی شرائط واضح طور پر پیش کیں۔

نائب امریکی صدر نے کہا کہ ایران نے امریکی شرائط کو تسلیم نہ کرنے کا انتخاب کیا اور خاص طور پر جوہری ہتھیاروں سے متعلق ایرانی وفد کی جانب سے کوئی واضح یقین دہانی سامنے نہیں آئی۔ انہوں نے زور دیا کہ امریکا کو اس بات کی واضح اور مثبت تصدیق درکار ہے کہ ایران جوہری ہتھیار حاصل کرنے کی کوشش نہیں کرے گا۔

انہوں نے مزید کہا کہ امریکا نے مذاکرات میں بھرپور لچک کا مظاہرہ کیا اور جن معاملات پر ممکن تھا وہاں ایڈجسٹمنٹ بھی کی، تاہم ایران کی جانب سے پیش رفت نہ ہونے کے باعث معاہدہ ممکن نہ ہو سکا۔

جے ڈی وینس کا کہنا تھا کہ امریکا اپنی بہترین اور حتمی پیشکش دے کر واپس جا رہا ہے اور اب یہ ایران پر منحصر ہے کہ وہ کیا ردعمل دیتا ہے۔

انہوں نے پاکستان کے کردار کو سراہتے ہوئے کہا کہ میزبان ملک نے مذاکرات میں پل کا کردار ادا کیا اور وزیراعظم شہباز شریف اور فیلڈ مارشل عاصم منیر کی کاوشیں قابل تحسین ہیں۔