پاکستان ایران کے خلاف جنگ رکوانے کےلیے نیک نیتی سے سفارتی کوششیں کررہاہے، ایرانی سفیر

ایران نے  پاکستان کی نیک نیتی پر مبنی سفارتی کوششوں کا اعتراف کیا ہے۔ پاکستان میں ایران کے سفیر رضاامیری مقدم نے سوشل میڈیاپر پیغام میں کہاکہ ایران کے خلاف جاری جنگ کے خاتمے کے لیے پاکستان نیک نیتی پر مبنی سفارتی کوششوں کی میزبانی کر رہا ہے۔

رضا امیری مقدم نے کہا کہ یہ جنگ نہ صرف ایرانی قوم اور تہذیب کے خلاف ایک کھلا جرم ہےبلکہ  اس جنگ نے خطے اور دنیا کی سلامتی کو بھی خطرے میں ڈال دیا ہے۔

ایرانی سفیر نے کہا کہ دیکھنا باقی ہے کہ آیا امریکا میزبان کی ان مخلصانہ سفارتی کوششوں کا احترام کرتا ہے یا نہیں۔