LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن

غیر ملکی صحافیوں کو تمام سہولتیں فراہم کر رہے ہیں: عطا اللہ تارڑ

Web Desk

11 April 2026

وفاقی وزیر اطلاعات و نشریات عطاء اللہ تارڑ نے اسلام آباد امن مذاکرات کی کوریج کے لیے پاکستان آنے والے غیر ملکی صحافیوں کو فراہم کی جانے والی وسیع سہولیات کی تفصیلات جاری کر دی ہیں۔ خصوصی گفتگو کرتے ہوئے وفاقی وزیر نے بتایا کہ نائب وزیراعظم اسحاق ڈار کے اعلان کے مطابق، ایران اور امریکہ سے آنے والے صحافیوں کو ’ویزا آن ارائیول‘ کی خصوصی سہولت فراہم کی گئی ہے۔ اب تک دنیا بھر سے تقریباً 50 غیر ملکی صحافی پاکستان پہنچ چکے ہیں، جبکہ چین، سعودی عرب، جاپان، جرمنی اور کوریا سمیت کئی دیگر ممالک کے میڈیا نمائندوں نے بھی ویزا کی درخواستیں دی ہیں۔

وزیر اطلاعات نے بتایا کہ وزارتِ اطلاعات و نشریات نے جناح کنونشن سینٹر میں ایک جدید میڈیا سیل قائم کیا ہے جہاں صحافیوں کو ایک ہی چھت تلے تمام ضروری سہولیات میسر کی گئی ہیں۔ اس سینٹر میں ہائی سپیڈ انٹرنیٹ کنیکٹوٹی، پرنٹرز، کمپیوٹرز اور بڑی سکرینیں نصب کی گئی ہیں تاکہ صحافی اپنے پیشہ ورانہ امور بلا تعطل انجام دے سکیں۔ عطاء اللہ تارڑ کا کہنا تھا کہ کنونشن سینٹر کا ریڈ زون سے قریب ہونا صحافیوں کے لیے کوریج کو مزید آسان بنا دے گا، جبکہ تمام میڈیا نمائندوں کو خصوصی کارڈز بھی جاری کر دیے گئے ہیں۔

عطاء اللہ تارڑ نے مزید کہا کہ حکومتِ پاکستان غیر ملکی صحافیوں کی آمد کو خوش آئند قرار دیتی ہے اور تمام سہولیات ایک ہی جگہ فراہم کرنے کا مقصد یہ ہے کہ عالمی میڈیا کو ان تاریخی مذاکرات کی رپورٹنگ میں کوئی دقت پیش نہ آئے۔ انہوں نے اس عزم کا اعادہ کیا کہ پاکستان عالمی برادری کے سامنے ان مذاکرات کی شفاف اور مؤثر کوریج کو یقینی بنانے کے لیے ہر ممکن تعاون فراہم کرتا رہے گا۔ اس وقت جناح کنونشن سینٹر عالمی میڈیا کی سرگرمیوں کا مرکز بن چکا ہے جہاں سے پوری دنیا کو اسلام آباد امن مذاکرات کی پل پل کی خبریں پہنچائی جا رہی ہیں۔