LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن

پاکستان امن کا تحفہ دینے کیلئے تیار، جے ڈی وینس کی قیادت میں امریکی وفد اسلام آباد پہنچ گیا

Web Desk

11 April 2026

عالمی سفارت کاری کے مرکز اسلام آباد میں ہونے والے تاریخی “اسلام آباد ٹاکس” میں شرکت کے لیے امریکی نائب صدر جے ڈی وینس کی قیادت میں ایک انتہائی اعلیٰ سطحی وفد آج پاکستان پہنچ گیا ہے۔

اس وفد میں امریکہ کے خصوصی نمائندے اسٹیو وٹکوف اور سابق صدر ٹرمپ کے مشیر اور معروف شخصیت جیرڈ کشنر بھی شامل ہیں، جو ان مذاکرات کی اہمیت کو واضح کرتے ہیں۔ ایئرپورٹ پر امریکی وفد کا فقید المثال استقبال کیا گیا، جہاں نائب وزیراعظم و وزیر خارجہ سینیٹر محمد اسحاق ڈار، چیف آف ڈیفنس فورسز و آرمی چیف فیلڈ مارشل سید عاصم منیر اور وفاقی وزیر داخلہ سید محسن رضا نقوی استقبال کے لیے موجود تھے۔

نائب وزیراعظم اسحاق ڈار نے امریکی نائب صدر کا خیرمقدم کرتے ہوئے خطے اور عالمی سطح پر دیرپا امن و استحکام کے لیے امریکی عزم کی تعریف کی۔ انہوں نے اس توقع کا اظہار کیا کہ تمام متعلقہ فریقین مثبت اور تعمیری رویے کے ساتھ میز پر بیٹھیں گے تاکہ برسوں پرانی کشیدگی کا خاتمہ ممکن ہو سکے۔ اسحاق ڈار نے پاکستان کے اصولی موقف کا اعادہ کرتے ہوئے کہا کہ ان کا ملک تنازعات کے پرامن حل کے لیے ایک مخلص سہولت کار کا کردار ادا کرتا رہے گا اور “اسلام آباد ٹاکس” اس سلسلے میں ایک گیم چینجر ثابت ہوں گے۔

ان مذاکرات میں علاقائی سلامتی، عالمی معاشی اثرات اور تزویراتی مسائل پر تفصیلی تبادلہ خیال متوقع ہے۔ سفارتی مبصرین کے مطابق، جے ڈی وینس اور جیرڈ کشنر جیسے بااثر افراد کی موجودگی یہ ظاہر کرتی ہے کہ امریکہ ان مذاکرات کو ایک بڑے بریک تھرو کے طور پر دیکھ رہا ہے۔ اسلام آباد میں ہونے والی یہ بیٹھک نہ صرف امریکہ اور ایران بلکہ پوری دنیا کے لیے امن و استحکام کی ایک نئی امید بن کر ابھری ہے، جس میں پاکستان کی میزبانی اور تزویراتی اہمیت کو عالمی سطح پر تسلیم کیا جا رہا ہے۔