وزیر اعظم کا ڈیزل کی قیمت میں 135 اور پیٹرول کی قیمت میں 12 روپے فی لیٹر کمی کا اعلان
Web Desk
10 April 2026
وزیراعظم محمد شہباز شریف نے قوم سے خطاب کرتے ہوئے پٹرولیم مصنوعات کی قیمتوں میں نمایاں کمی کا اعلان کر دیا ہے۔ انہوں نے کہا کہ ڈیزل کی قیمت میں فی الفور 135 روپے فی لیٹر کمی کی جا رہی ہے جبکہ پٹرول کی قیمت میں 12 روپے فی لیٹر کمی کی گئی ہے۔
وزیراعظم کے مطابق آج رات 12 بجے سے ڈیزل کی نئی قیمت 520 روپے سے کم ہو کر 385 روپے فی لیٹر ہو جائے گی، جبکہ پٹرول کی قیمت 378 روپے سے کم ہو کر 366 روپے فی لیٹر مقرر کر دی گئی ہے۔
انہوں نے کہا کہ ڈیزل کی قیمتوں میں کمی سے زرعی شعبے کو ریلیف ملے گا اور عوام کے لیے پبلک ٹرانسپورٹ کے اخراجات میں بھی واضح کمی آئے گی۔ وزیراعظم نے بتایا کہ صوبائی حکومتوں کے تعاون سے چاروں صوبوں، گلگت بلتستان اور آزاد کشمیر میں ٹارگٹڈ سبسڈی کا سلسلہ جاری رکھا جائے گا۔
اپنے خطاب میں وزیراعظم نے کہا کہ حکومت نے مشکل ترین حالات میں بھی عوام کو تنہا نہیں چھوڑا اور مالیاتی نظم و نسق کے ذریعے مہنگائی کے اثرات کو کم کرنے کی کوشش کی گئی۔ انہوں نے کہا کہ عالمی منڈی میں تیل کی قیمتوں میں کمی کا پورا فائدہ عوام تک منتقل کیا جا رہا ہے۔
وزیراعظم کا کہنا تھا کہ حکومت نے حالیہ مہنگائی کے دباؤ کو کم کرنے کے لیے اپنے وسائل سے 129 ارب روپے خرچ کیے، تاہم انہوں نے واضح کیا کہ تیل کی قیمتوں میں کمی کا ایک ایک روپیہ عوام پر خرچ کیا جائے گا۔
انہوں نے کہا کہ گندم کی کٹائی کے موجودہ مرحلے پر کسانوں کے لیے لاگت میں کمی انتہائی ضروری ہے، اور حکومت اس حوالے سے مکمل اقدامات کر رہی ہے۔
متعلقہ عنوانات
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026
سات شرائط پوری ہونے تک آبنائے ہرمز نہیں کھلے گی، پاسداران انقلاب
19 November 2026
عالمی یومِ اطفال پر پنجاب اسمبلی کی عمارت نیلی روشنیوں سے منور
19 November 2026
بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر
19 November 2026
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026