LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن

1973 کا آئین قومی وحدت اور جمہوریت کی بنیاد قرار ہے: بلاول بھٹو

Web Desk

10 April 2026

پاکستان پیپلز پارٹی کے چیئرمین بلاول بھٹو زرداری نے یومِ دستور کے موقع پر پاکستانی قوم کو مبارکباد دیتے ہوئے 1973 کے آئین کو ملکی تاریخ کا سب سے بڑا سیاسی و قانونی سنگِ میل قرار دیا ہے۔ اپنے خصوصی پیغام میں انہوں نے کہا کہ یہ متفقہ آئین قومی وحدت، جمہوریت اور بنیادی حقوق کا ایک ایسا دائمی عہد ہے جس نے ملک کو وفاقی توازن اور ایک متفقہ اجتماعی شناخت عطا کی ہے۔ بلاول بھٹو کے مطابق، آئینِ پاکستان ہر مشکل گھڑی میں قوم کی رہنمائی کرتا ہے اور وفاق کی تمام اکائیوں کو مضبوطی سے جوڑنے کا واحد ذریعہ ہے۔

چیئرمین پی پی پی نے قوم کو یہ عظیم تحفہ دینے پر اپنے نانا اور سابق وزیراعظم ذوالفقار علی بھٹو کو زبردست خراجِ تحسین پیش کرتے ہوئے کہا کہ ان کی مدبرانہ قیادت نے تمام سیاسی قوتوں کو یکجا کر کے ملک کو پہلا متفقہ آئین دیا، جو آج بھی ہمارے جمہوری سفر کی بنیاد ہے۔ انہوں نے آمریت کے خلاف آئین کی بحالی کے لیے محترمہ بینظیر بھٹو کی جرات مندانہ جدوجہد کو بھی یاد کیا اور انہیں خراجِ عقیدت پیش کیا۔

بلاول بھٹو زرداری نے اپنے پیغام میں مزید کہا کہ آئین کی روح کو مستحکم کرنے کے لیے مسلسل جدوجہد کی گئی ہے، جس کا واضح ثبوت آصف علی زرداری کے دورِ صدارت میں ہونے والی تاریخی 18ویں آئینی ترمیم ہے، جس نے پارلیمانی بالادستی اور آئینی توازن کو بحال کر کے صوبائی خود مختاری کو یقینی بنایا۔ ان کا کہنا تھا کہ آج کا دن ہمیں اس عہد کی یاد دلاتا ہے کہ آئین کی حفاظت اور اس پر عملدرآمد ہی پاکستان کی ترقی کی ضمانت ہے۔