LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن

اسلام آباد دنیا کی توجہ کا مرکز، امریکا اور ایران میں مذاکرات کا آغاز آج ہوگا

Web Desk

10 April 2026

امریکا اور ایران کے درمیان جنگ بندی کے تاریخی معاہدے کے بعد پاکستان عالمی توجہ کا مرکز بن گیا ہے، جہاں آج سے وفود کی سطح پر مذاکرات کا باقاعدہ آغاز ہو رہا ہے۔ ان مذاکرات کا سب سے اہم اور مرکزی مرحلہ ہفتے کے روز طے پایا ہے، جس میں شرکت کے لیے امریکی نائب صدر جے ڈی وینس، امریکی مذاکرات کار سٹیو وٹکوف اور جیرڈ کشنر اسلام آباد پہنچیں گے۔ ایران کی جانب سے وزیر خارجہ عباس عراقچی اور پارلیمنٹ کے سپیکر باقر قالیباف وفد کی نمائندگی کریں گے۔ وزیراعظم شہباز شریف نے مذاکرات کے مقام کا خود دورہ کر کے سکیورٹی اور دیگر انتظامات کا تفصیلی جائزہ لیا ہے تاکہ اس حساس ترین سفارتی عمل کو خوش اسلوبی سے مکمل کیا جا سکے۔

اس اہم موڑ پر وفاقی وزیر داخلہ محسن نقوی نے امریکی ناظم الامور نیٹلی بیکر سے ملاقات کی، جس میں انہوں نے واضح کیا کہ امریکی قیادت پاکستان کی خصوصی مہمان ہوگی اور ان کی حفاظت و پروٹوکول کے لیے فول پروف انتظامات کیے گئے ہیں۔ دوسری جانب وائٹ ہاؤس نے ان مذاکرات کو “بند کمروں کی حساس گفتگو” قرار دیتے ہوئے کہا ہے کہ ایسی ڈیل کی جائے گی جو امریکی مفادات کے عین مطابق ہو۔

پاکستان کی اس غیر معمولی سفارتی کامیابی پر عالمی رہنماؤں کی جانب سے وزیراعظم شہباز شریف کو مبارکباد کے فون کالز کا سلسلہ بھی جاری ہے۔ امیرِ قطر، بحرین کے بادشاہ، لبنان کے وزیراعظم سمیت جرمنی، آسٹریا اور اٹلی کے سربراہانِ مملکت نے وزیراعظم سے ٹیلیفونک رابطہ کر کے ایران اور امریکا کے درمیان جنگ بندی کروانے اور مذاکرات کی راہ ہموار کرنے پر پاکستانی قیادت کے جرات مندانہ اور فعال کردار کو بھرپور خراجِ تحسین پیش کیا ہے۔ عالمی مبصرین اس پیش رفت کو پاکستان کی گریٹ ڈپلومیسی اور خطے میں امن کے لیے ایک تاریخی سنگِ میل قرار دے رہے ہیں۔