نواز شریف کا 16 سال بعد ناران کا دورہ، مقامی عہدیداروں سے ملاقات

پاکستان مسلم لیگ (ن) کے قائد و سابق وزیراعظم میاں نواز شریف خیبر پختونخوا کے سیاحتی مقام ناران پہنچ گئے ہیں، جہاں انہوں نے تقریباً 16 سال بعد ناران کا دورہ کیا۔ اپنے اس دورے کے دوران نواز شریف نے مسلم لیگ (ن) کے مقامی عہدیداران اور وفود سے اہم ملاقاتیں کیں، جس میں علاقے کی مجموعی صورتحال، سیاحت اور مقامي مسائل پر تفصیلی بریفنگ لی گئی۔

ملاقات کے دوران مقامی قیادت نے قائد مسلم لیگ (ن) کو موٹر وے، مانسہرہ تا ناران سڑکوں کی خستہ حالی اور علاقے کے قدرتی حسن کو پہنچنے والے ماحولیاتی نقصان سمیت دیگر اہم مسائل سے تفصیل سے آگاہ کیا۔ نواز شریف نے ناران اور گرد و نواح کے درپیش مسائل پر تشویش کا اظہار کرتے ہوئے ان کے فوری حل اور انفراسٹرکچر کی بحالی کے لیے وزیراعظم شہباز شریف سے بات کرنے کا اعلان کیا۔