بانی پی ٹی آئی اور بشریٰ بی بی کی اڈیالہ جیل میں ملاقات کرا دی گئی

راولپنڈی کی اڈیالہ جیل میں پاکستان تحریک انصاف کے بانی عمران خان اور ان کی اہلیہ بشریٰ بی بی کے درمیان باضابطہ ملاقات کرا دی گئی ہے۔ جیل کے باخبر ذرائع کے مطابق، دونوں شخصیات کی یہ ملاقات جیل کے کانفرنس روم میں کروائی گئی، جہاں انہوں نے ایک دوسرے سے تفصیلی گفتگو کی اور مزاج پرسی کی۔

ذرائع کے مطابق یہ ملاقات 40 منٹ سے زائد کے دورانیے پر محیط رہی، جس میں باہمی اور قانونی امور سمیت مختلف موضوعات پر تبادلہ خیال کیا گیا۔ ملاقات کا وقت ختم ہونے کے فوری بعد سیکیورٹی کے سخت انتظامات کے تحت بانی پی ٹی آئی عمران خان اور بشریٰ بی بی کو جیل میں قائم ان کے متعلقہ سیلز میں واپس منتقل کر دیا گیا۔