دہشت گردی کا جرم ثابت، سعودی عرب میں 2 افراد کو سزائے موت دے دی گئی

سعودی عرب کی وزارتِ داخلہ نے باضابطہ اعلان کیا ہے کہ دہشت گردی کے سنگین جرائم میں مکمل جرم ثابت ہونے پر دو افراد کو سزائے موت دے دی گئی ہے۔

سعودی وزارتِ داخلہ کی جانب سے جاری کردہ بیان کے مطابق فاضل صفوانی اور جواد قرریص کو دہشت گردی سمیت متعدد سنگین جرائم کا قصوروار قرار دیا گیا تھا، جن میں ملکی سکیورٹی اہلکاروں پر فائرنگ کرنے اور ایک غیر ملکی دہشت گرد تنظیم کی رکنیت حاصل کرنا بھی شامل تھا۔

بیان میں مزید بتایا گیا کہ دونوں افراد کو ملک کی سپریم کورٹ کی جانب سے تمام قانونی اپیلیں مسترد کیے جانے کے بعد سعودی عرب کے مشرقی علاقے میں ان کی سزائے موت پر عمل درآمد کیا گیا۔