انڈونیشین نیوی کے سربراہ کی نیول چیف سے ملاقات، دوطرفہ تعاون بڑھانے کا عزم

انڈونیشیا کی بحریہ کے سربراہ ایڈمرل ڈاکٹر محمد علی نے نیول ہیڈ کوارٹرز اسلام آباد کا اہم دورہ کیا، جہاں آمد پر انہیں پاک بحریہ کے چاق و چوبند دستے نے گارڈ آف آنر پیش کیا۔ پاک فوج کے شعبہ تعلقات عامہ (آئی ایس پی آر) کے مطابق ایڈمرل ڈاکٹر محمد علی نے نیول ہیڈ کوارٹرز میں واقع یادگارِ شہداء پر حاضری دی، پھولوں کی چادر چڑھائی اور پاک بحریہ کے شہداء کو خراجِ عقیدت پیش کیا۔ بعد ازاں انہوں نے سربراہِ پاک بحریہ ایڈمرل نوید اشرف سے تفصیلی ملاقات کی۔

ترجمان پاک فوج کے مطابق ملاقات کے دوران باہمی دلچسپی کے امور، علاقائی بحری سلامتی کی صورتحال اور دونوں ممالک کے درمیان دوطرفہ بحری تعاون پر تبادلہ خیال کیا گیا۔ اس موقع پر دونوں بحری سربراہان نے مشترکہ بحری مشقوں، پیشہ ورانہ تربیت اور باہمی دوروں کے تبادلے کے ذریعے پاکستان اور انڈونیشیا کی بحری افواج کے درمیان تعلقات اور عملی تعاون کو مزید وسعت دینے کے عزم کا اعادہ کیا۔ انڈونیشین نیوی کے سربراہ نے خطے میں بحری امن و سلامتی کے قیام اور سمندری حدود کے تحفظ کے لیے پاک بحریہ کی کاوشوں کو سراہا اور دونوں ممالک کے نیول رابطوں کو مستحکم بنانے پر زور دیا۔

انڈونیشین نیوی کے سربراہ کی نیول چیف سے ملاقات، دوطرفہ تعاون بڑھانے کا عزم

Web Desk

متعلقہ عنوانات

پٹرول اور ڈیزل مزید مہنگا، حکومت نے ریلیف سے قبل قیمتیں آسمان پر پہنچا دیں

پمز ایم سی ایچ سے نومولود چوری کی کوشش ناکام، دو خواتین اور لڑکی گرفتار

پٹرولیم لیوی کے خاتمے تک احتجاج جاری رہے گا: حافظ نعیم الرحمان

ملائیشین وزیراعظم سے من گھڑت بیانیہ نکلوانے کی بھارتی کوشش ناکام، انٹرویو پھر سرخیوں میں

برمنگھم ٹیسٹ کے ہیرو رضا اللہ وطن واپس پہنچ گئے، ایئرپورٹ پر شاندار استقبال

اسحاق ڈار سے لبنانی وزیر داخلہ کی ملاقات ہوئی، تمام شعبوں میں تعاون پر اتفاق

پٹرولیم قیمتوں میں ریلیف، حکومت اور جماعت اسلامی میں اہم ملاقات

خیبرپختونخوا دو دن سے لاوارث، سہیل آفریدی سیر سپاٹے کر رہے ہیں: عظمیٰ بخاری