عالمی بینک کی پاکستان کیلئے 700 ملین ڈالر فنانسنگ کی منظوری

عالمی بینک نے پاکستان کیلئے 700 ملین ڈالر فنانسنگ کی منظوری دے دی ہے۔ یہ منظوری پاکستان پبلک ریسورسز فار انکلوژو ڈیولپمنٹ پروگرام کے تحت دی گئی ہے، جس کا مقصد میکرو اکنامک استحکام اور عوامی خدمات کی بہتری ہے۔

عالمی بینک کے مطابق اس پروگرام کے تحت مجموعی طور پر 1.35 ارب ڈالر تک فنانسنگ فراہم کی جائے گی۔ منظور شدہ رقم میں سے 600 ملین ڈالر وفاقی حکومت جبکہ 100 ملین ڈالر صوبہ سندھ کیلئے مختص کیے گئے ہیں۔

عالمی بینک کا کہنا ہے کہ فنڈز کی فراہمی اصلاحاتی اہداف کے حصول سے مشروط ہوگی۔ یہ منصوبہ ٹیکس نظام میں بہتری، شفاف مالی نظم و نسق، اور ڈیجیٹل ڈیٹا و مالیاتی نظام کو مضبوط بنا کر سروس ڈیلیوری کو بہتر بنانے پر مرکوز ہے۔

عالمی بینک کے مطابق یہ پروگرام آئی ایم ایف کے ایکسٹینڈڈ فنڈ فیسلٹی پروگرام سے ہم آہنگ ہے۔ اس کے تحت سندھ میں صحت اور تعلیم کے شعبوں کیلئے وسائل میں اضافے کی توقع ہے، جبکہ مجموعی اصلاحات سے شفافیت اور عوامی اعتماد میں بھی اضافہ ہوگا