LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
اسحاق ڈار سے ترکمانی وزیر خارجہ کی ملاقات، زیرِ التوا مسائل کے حل پر زور فیلڈ مارشل سے ایرانی وزیر خارجہ کی ملاقات، قریبی روابط اور تعاون پر اتفاق عمران خان کو سرجری کی ضرورت ہے تو حکومت سہولت فراہم کرے گی: رانا ثنا اللہ ایران کا آبنائے ہرمز کے قریب امریکی ڈرون قبضے میں لینے کا دعویٰ باب المندب سے فورسز کا انخلا، سعودیہ نے اتحادی فوج کا کمانڈر بدل دیا طلبہ مستقبل کے رہنما، تعمیر ملت میں بھرپور کردار ادا کریں: مریم نواز شریف ایران کیخلاف فوجی کارروائیاں ختم کرنے کا اعلان آپشن میں شامل ہے: جےڈی وینس بلاول کو وزیراعظم بنتا دیکھ رہی ہوں، فریال تالپور امریکا شرائط مان جائے تو 2 دن میں آبنائے ہرمز کھول دیں گے: ایرانی وزیر خارجہ علاقائی سلامتی کو درپیش خطرات سے نمٹنے کیلئے مشترکہ کوششیں ضروری ہیں: وزیر اعظم مظاہروں کے دوران طاقت کا استعمال، میئر نیویارک کا بدنام پولیس یونٹ کو ختم کرنے کا اعلان ہری پور کو خیبر پختونخوا سے الگ کرکے اسلام آباد میں شامل کرنے کی اطلاعات ہیں: ایمل ولی ای سی او رکن ممالک کی ایران امریکا تنازع میں پاکستان کی ثالثی کی کوششوں کی حمایت امریکی فوج کی دفاعی تیاریوں اور حفاظتی انتظامات میں سنگین خامیوں کے انکشافات جنسی جرائم میں قید امریکی فنانسر جیفری ایپسٹین کی پراسرار موت بارے نئے سنسنی خیز انکشافات

ایس آئی ایف سی کی موثر حکمتِ عملی سے پاکستان خوشحال مستقبل کی جانب گامزن

Web Desk

29 December 2025

خصوصی سرمایہ کاری سہولت کونسل (ایس آئی ایف سی) کی مؤثر اور تدبیری حکمتِ عملی کے باعث پاکستان اقتصادی استحکام اور خوشحال مستقبل کی جانب تیزی سے بڑھ رہا ہے۔ ملک میں نجی اور غیر ملکی سرمایہ کاری میں نمایاں اضافہ معیشت کو مضبوط بنانے اور ترقی کی رفتار تیز کرنے میں اہم کردار ادا کر رہا ہے۔

توانائی اور ٹیلی کام شعبے میں بڑی پیش رفت کے تحت اینگرو اور اتصالات نے دیودار (جاز) میں 157 ارب روپے جبکہ ٹیلی نار پاکستان میں 108 ارب روپے کے سرمایہ کاری حصص حاصل کیے ہیں۔ صنعتی شعبے میں میپل لیف نے پائیونیئر سیمنٹ میں 76 ارب روپے اور شأت گروپ نے رفحان مائز میں 68.5 ارب روپے کی سرمایہ کاری کی ہے۔

فضائی شعبے میں بھی ایک اہم سنگِ میل عبور کیا گیا، جہاں عارف حبیب کنسورشیم نے پاکستان انٹرنیشنل ایئرلائنز (پی آئی اے) کے 75 فیصد حصص 135 ارب روپے میں حاصل کر لیے، جس سے قومی فضائی سرمایہ کاری کے ایک نئے دور کا آغاز ہوا ہے۔

معدنی شعبے میں پانچ ممتاز سرمایہ کاروں کی 5 ارب ڈالر سے زائد سرمایہ کاری نے صنعتی ترقی کے نئے امکانات روشن کیے ہیں۔ اسی طرح گوگل، بی وائے ڈی، ارامکو، سام سنگ اور ایپل جیسے عالمی اداروں کی پاکستان میں سرمایہ کاری میں دلچسپی نے عالمی سطح پر ملک کے اعتماد میں اضافے کی عکاسی کی ہے۔

چین کے ساتھ بی ٹو بی معاہدوں کے ذریعے اقتصادی شراکت داری مزید مضبوط ہوئی ہے، جبکہ اندازوں کے مطابق 2026 تک پاکستان میں سرمایہ کاری میں 37 فیصد اضافہ متوقع ہے اور 16 سے زائد شعبوں میں سرمایہ کاری کے نئے مواقع پیدا ہوں گے۔