پاکستان میں 1 کروڑ 29 لاکھ افراد ہیپاٹائٹس کا شکار: عالمی ادارہ صحت

عالمی ادارہ صحت (WHO) کی تشویشناک رپورٹ کے مطابق پاکستان دنیا بھر میں ہیپاٹائٹس سی سے سب سے زیادہ متاثرہ ممالک میں شامل ہو چکا ہے، جہاں اس وقت 1 کروڑ 29 لاکھ افراد اس موذی مرض کا شکار ہیں۔ رپورٹ میں انکشاف کیا گیا ہے کہ ملک میں ہر 11 منٹ بعد ایک شخص ہیپاٹائٹس کے باعث دم توڑ دیتا ہے، جس سے سالانہ اموات کی تعداد 48,000 سے تجاویز کر گئی ہے۔ مزید برآں، پاکستان میں 91 لاکھ افراد ہیپاٹائٹس ‘سی’ اور 38 لاکھ افراد ہیپاٹائٹس ‘بی’ کا شکار ہیں، جب کہ ہر 10 میں سے صرف 3 مریضوں کو ہی علاج کی سہولت میسر ہے۔ ڈبلیو ایچ او نے غیر محفوظ انجیکشنز اور خون کی منتقل کو اس کی بنیادی وجہ قرار دیتے ہوئے 2030 تک بیماری کے خاتمے کے لیے اقدامات تیز کرنے پر زور دیا ہے۔