ہنٹا وائرس کا خطرہ، عالمی ادارہ صحت کا 12 ممالک کیلئے الرٹ جاری

جنیوا سے موصولہ اطلاعات کے مطابق، ہنٹا وائرس کے کیسز ایک کروز شپ سے منسلک پائے گئے ہیں، جہاں سے مسافر علامات ظاہر ہونے سے قبل ہی مختلف ممالک کی طرف روانہ ہو چکے تھے۔ ڈبلیو ایچ او نے اب تک 5 کیسز کی تصدیق کی ہے جبکہ 8 افراد میں سانس کی شدید بیماری کی علامات پائی گئی ہیں۔ متاثرہ ممالک کی فہرست میں ترکیہ، کینیڈا، جرمنی، برطانیہ اور امریکا شامل ہیں۔ عالمی ادارے کے سربراہ کا کہنا ہے کہ اگرچہ وائرس کے مزید پھیلاؤ کا خدشہ ہے، تاہم بروقت اقدامات اور مسافروں کی نگرانی سے اس پر قابو پایا جا سکتا ہے۔