نجی پاور پلانٹس سے بجلی خریداری پر ویلنگ چارجز منظور

نیپرا نے نجی پاور پلانٹس سے بجلی خریدنے والے بڑے صارفین کے لیے ویلنگ چارجز کی منظوری دے دی ہے اور اس فیصلے کو وفاقی حکومت کو بھجوا دیا گیا ہے۔ نیپرا کے مطابق یہ ویلنگ چارجز 11 بجلی تقسیم کار کمپنیوں کے نیٹ ورک کے استعمال پر ادا کیے جائیں گے۔

فیصلے کے تحت مختلف ڈسکوز کے لیے مختلف ویلنگ یا گرڈ چارجز مقرر کیے گئے ہیں، جن میں کم از کم 3 روپے 44 پیسے اور زیادہ سے زیادہ 36 روپے 24 پیسے فی یونٹ ویلنگ چارجز شامل ہیں۔ نیپرا کا کہنا ہے کہ صنعتی بجلی استعمال کرنے والے بڑے صارفین نجی پاور پلانٹس سے براہ راست بجلی خرید سکیں گے اور سرکاری ترسیلی نظام استعمال کریں گے۔

نیپرا کے مطابق اس نظام کے تحت کم از کم ایک میگاواٹ بجلی کی خریداری لازمی ہوگی، جبکہ بجلی فروخت کنندہ ویلنگ چارجز وصول کر کے متعلقہ ڈسکوز کو ادا کرے گا۔ نیپرا نے وفاقی حکومت کو تمام ڈسکوز کے لیے یکساں ویلنگ چارجز کے لیے درخواست جمع کرانے کی بھی ہدایت کی ہے