خوراک کم کرنے کے باوجود وزن کم کیوں نہیں ہورہا؟ حیرت انگیز راز سامنے آگیا

لندن: جدید طبی سائنس نے وزن کم کرنے کے روایتی طریقوں کو پیچھے چھوڑتے ہوئے ثابت کیا ہے کہ انسانی جسم کا میٹابولزم محض کیلوریز کے حساب سے نہیں چلتا۔ جرنل آف نیوٹریشنل سائنس میں شائع ہونے والی تحقیق کے مطابق، اگر خوراک کی مقدار کم کیے بغیر صرف اس کے اوقات میں ردوبدل کر دیا جائے تو جسمانی چربی کو تیزی سے گھلایا جا سکتا ہے۔

تحقیق کے دوران ماہرین نے ‘کرونو نیوٹریشن’ (Chrono-nutrition) کے تصور کو اجاگر کیا، جس کا تعلق ہماری اندرونی حیاتیاتی گھڑی (Circadian Rhythm) سے ہے۔ تجربے میں شامل جن شرکاء نے اپنے ناشتے میں 90 منٹ کی تاخیر کی اور رات کا کھانا 90 منٹ پہلے کھایا، ان کے کھانے کا مجموعی دورانیہ 3 گھنٹے کم ہو گیا۔ اس معمولی تبدیلی کے نتیجے میں نہ صرف ان کی بھوک میں کمی آئی بلکہ جسمانی چربی میں بھی واضح کمی ریکارڈ کی گئی۔

کنگز کالج لندن کی تحقیق یہ بھی بتاتی ہے کہ ہر انسان کا نظامِ ہاضمہ اور آنتوں میں موجود بیکٹیریا مختلف ہوتے ہیں، اسی لیے ایک ہی غذا دو مختلف افراد پر الگ اثر ڈالتی ہے۔ ماہرین کا مشورہ ہے کہ دن کا آغاز بھرپور ناشتے سے کریں اور رات کا کھانا ہلکا رکھیں، جبکہ کھانے کو اچھی طرح چبا کر کھانا نظامِ ہاضمہ کو فعال رکھنے اور وزن کنٹرول کرنے کا سب سے مؤثر اور آسان طریقہ ہے۔