امراض قلب اور ہائی بلڈ پریشر سے خود کو بچانا چاہتے ہیں؟ آخر کیسے

جرنل مالیکیولر نیوٹریشن اینڈ فوڈ ریسرچ میں شائع تحقیق میں بتایا گیا کہ اورنج جوس پینے کی عادت سے کارڈیو میٹابولک صحت بہتر ہوتی ہے۔

واضح رہے کہ کارڈیو میٹابولک صحت سے مراد دل اور میٹابولزم کے افعال کی مجموعی حالت ہے، اگر کارڈیو میٹابولک صحت متاثر ہو تو ہارٹ اٹیک، فالج، جگر پر چربی چڑھنے اور ذیابیطس وغیرہ کا خطرہ نمایاں حد تک بڑھ جاتا ہے۔اس تحقیق میں صحت مند رضاکاروں کو شامل کیا گیا تھا جن کو 2 ماہ تک روزانہ کچھ مقدار میں اورنج جوس کا استعمال کرایا گیا۔ان افراد کو روزانہ 2 چھوٹے کپ اورنج جوس کا استعمال کرایا گیا تھا۔تحقیق میں دریافت کیا گیا کہ اورنج جوس میں موجود اجزا سے لبلبلے کے خلیات کو تکسیدی تناؤ سے تحفظ ملتا ہے جس سے انسولین کے افعال بہتر ہوتے ہیں، میٹابولزم کو فائدہ ہوتا ہے جبکہ جسمانی ورم میں کمی آتی ہے۔تحقیق کے مطابق ہمارا جسم اورنج جوس میں موجود حیاتیاتی مرکبات پر ردعمل ظاہر کرتا ہے جس سے کارڈیو میٹابولک صحت بہتر ہوتی ہے۔انہوں نے بتایا کہ اس جوس میں موجود اجزا جس میں متعدد طریقوں سے کام کرتے ہیں، یعنی خون میں چکنائی کو کنٹرول کرتے ہیں، بلڈ پریشر کنٹرول کرتے ہیں جبکہ ورم میں کمی لاتے ہیں۔ان کا کہنا تھا کہ ایک مالٹے کو روزانہ کھانے سے بھی یہ فوائد حاصل ہوسکتے ہیں جبکہ سالم پھل سے فائبر بھی جسم کا حصہ بنتا ہے