اسٹاک ایکسچینج میں اتار چڑھاؤ، انڈیکس کی بلند ترین سطح پر پہنچنے کے بعد واپسی

پاکستان اسٹاک ایکسچینج میں کاروبار کے دوران اتار چڑھاؤ کا سلسلہ جاری رہا۔ کاروباری ہفتے کے دوسرے روز آغاز پر زبردست تیزی دیکھی گئی اور ہنڈرڈ انڈیکس 1400 سے زائد پوائنٹس اضافے کے ساتھ ایک لاکھ 83 ہزار 834 پوائنٹس کی بلند ترین سطح پر پہنچ گیا۔

تاہم ٹریڈنگ کے دوران مارکیٹ اچانک مثبت سے منفی زون میں چلی گئی اور ہنڈرڈ انڈیکس کم ہو کر ایک لاکھ 81 ہزار پوائنٹس کی سطح پر آ گیا۔ واضح رہے کہ گزشتہ کاروباری روز کے اختتام پر ہنڈرڈ انڈیکس 3373 پوائنٹس اضافے کے ساتھ ایک لاکھ 82 ہزار 408 پوائنٹس پر بند ہوا تھا۔