پیٹ پر جمی چربی بھی صحت کیلئے مفید ہو سکتی ہے: تحقیق

ایک نئی تحقیق میں بتایا گیا ہے کہ پیٹ میں جمی چربی، جسے وسرل فیٹ کہا جاتا ہے، بعض اوقات انفیکشنز اور جسمانی سوزش سے نمٹنے میں مددگار ثابت ہو سکتی ہے۔
عموماً یہ چربی ٹائپ 2 ذیا بیطس، قلبی بیماری، کینسر، فالج اور ہائی بلڈ پریشر کے خطرے سے جوڑی جاتی ہے، مگر سوئیڈن کے کیرولنسکا انسٹیٹیوٹ کے محققین نے دریافت کیا ہے کہ چربی کا یہ ٹشو صرف توانائی ذخیرہ نہیں کرتا بلکہ یہ فعال عضو کے طور پر سگنلز بھیجتا ہے جو جسم کی مجموعی صحت پر اثر ڈال سکتے ہیں۔
تحقیق کے مطابق، پیٹ کی چربی یکساں نہیں بلکہ مختلف اقسام اور حصوں پر مشتمل ہوتی ہے، جن میں کچھ مفید اثرات بھی رکھتے ہیں۔