حطار کے 88 فیصد بچوں کے خون میں سیسے کی بلند سطح: یونیسف رپورٹ

خیبر پختونخوا کے ضلع ہری پور کی حطار انڈسٹریل اسٹیٹ اور ملحقہ علاقوں میں رہائش پذیر بچوں کے خون میں سیسہ (Lead) کی خطرناک حد تک زائد مقدار کا انکشاف ہوا ہے۔ صوبائی وزیرِ صحت خلیق الرحمان کے مطابق اقوامِ متحدہ کے ادارے ‘یونیسف’ کے سروے کے دوران حطار کے 75 بچوں کے نمونے لیے گئے، جن میں سے 88 فیصد بچوں کے خون میں سیسے کی سطح 18.3 سے 21.3 تک ریکارڈ کی گئی جو کہ انتہائی تشویشناک ہے۔ طبی ماہر ڈاکٹر شازیہ جدون نے متنبہ کیا ہے کہ اگر صنعتی آلودگی اور سیسے کے اخراج پر فوری قابو نہ پایا گیا تو اس کے بچوں کی صحت اور بالخصوص ذہنی و جسمانی نشوونما پر انتہائی خطرناک اثرات مرتب ہوں گے۔ حکومت کی جانب سے اس سنگین صورتحال پر فوری حفاظتی اقدامات کی ضرورت پر زور دیا جا رہا ہے۔