پروسیسڈ غذاؤں اور پٹھوں کی خراب صحت کے درمیان ممکنہ تعلق کا انکشاف

ریڈیو لوجیکل سوسائٹی آف نارتھ امریکہ (RSNA) کی ایک حالیہ تحقیق میں انکشاف ہوا ہے کہ الٹرا پروسیسڈ غذاؤں (UPFs) کا زیادہ استعمال ران کے پٹھوں میں چکنائی کی مقدار بڑھانے کا باعث بنتا ہے۔ ڈاکٹر زہرا اکایا (یونیورسٹی آف کیلیفورنیا، سان فرانسسکو) کے مطابق، پٹھوں میں جمع ہونے والی یہ اضافی چربی نہ صرف پٹھوں کی کوالٹی خراب کرتی ہے بلکہ گھٹنے کے آسٹو آرتھرائٹس (جوڑوں کے درد اور سوزش) کے خطرات میں بھی اضافہ کر دیتی ہے۔ ماہرین نے خبردار کیا ہے کہ یہ اثرات ان لوگوں میں بھی دیکھے گئے جو ورزش کرتے ہیں یا اپنی کیلوریز کا حساب رکھتے ہیں، جو اس بات کی نشاندہی ہے کہ غذا کا معیار اس کی مقدار سے زیادہ اہم ہے۔